Meta կորպորացիայի Facebook և Instagram սոցիալական ցանցերում հաջորդ շաբաթ կհայտնվի պրոֆիլի իսկությունը հաստատող նշան։
Այս մասին Facebook-ի իր էջում գրել է ընկերության հիմնադիր Մարկ Ցուկերբերգը։
«Այս շաբաթ մենք սկսում ենք շրջանառության մեջ դնել Meta Verified-ի բաժանորդային ծառայությունը, որը թույլ է տալիս հաստատել ձեր հաշիվը ID-ով, ստանալ կապույտ նշան, լրացուցիչ պաշտպանություն ձեր անձը կեղծող հաշիվներից և ուղղակի մուտք դեպի աջակցություն։ Այս նոր առանձնահատկությունն ուղղված է մեր ծառայությունների իսկության և անվտանգության բարձրացմանը:», – գրել է նա։
Մարկ Ցուկերբերգը հայտնել է, որ Meta Verified-ի համակարգչային տարբերակի համար բաժանորդագրության արժեքը կկազմի 11,99 դոլար, իսկ iOS հարթակի համար՝ 14,99 դոլար։
