ԱՄՆ նախկին նախագահ Դոնալդ Թրամփը խոստացել է, որ եթե վերընտրվի պետության ղեկավարի պաշտոնում, ապա «հենց նույն գիշերը» կզանգահարի Ռուսաստանի նախագահ Վլադիմիր Պուտինին և Ուկրաինայի նախագահ Վլադիմիր Զելենսկիին՝ ուկրաինական հակամարտությունը լուծելու համար հանդիպում անցկացնելու նպատակով:
«Բառացիորեն նույն գիշերը, երբ հայտնի կդառնա իմ հաղթանակի մասին, ես կզանգահարեմ երկու հոգու՝ Պուտինին և Զելենսկիին։ Ես նրանց կասեմ. «Մենք պետք է հանդիպենք»։ Մենք գործարք կկնքենք 24 ժամվա ընթացքում»,- ասել է Թրամփը Ֆլորիդայում իր կողմնակիցների առջև ելույթի ժամանակ։
Նրա ելույթը հեռարձակել են հանրապետականներին համակրող ամերիկյան հեռուստատեսային ցանցերը։
