Հանգստյան օրերին տեղի ունեցած փոթորիկը եւ ռեկորդային քանակությամբ տեղումները բրազիլական Սան Պաուլու նահանգում 46 մարդու կյանք են խլել, եւս 49 հոգի համարվում է անհետ կորած։
Փրկարար թիմերը երեքշաբթի վերսկսել են անցած հանգստյան օրերին Սան Պաուլուի հյուսիսային ափերին տեղի ունեցած փոթորկի զոհերի որոնումը։ Քաղաքացիական պաշտպանության ծառայության տվյալներով՝ զոհվել է 46 մարդ՝ 45-ը Սան Սեբաստիանում եւ մեկը՝ Ուբատուբայում։ Ավելի վաղ տեղեկացվել էր 49 անհետ կորածի մասին։
Հանգստյան օրերին ռեկորդային քանակությամբ տեղումները Սան Պաուլուի առանձին վայրերում հասել են 600 միլիմետրի, այժմ այստեղ չափավոր անձրեւները շարունակվում են։ Փրկարարական աշխատանքները կենտրոնացած են Սան Սեբաստիան քաղաքի հարավային ափին. տարերքի հարվածն այստեղ ամենաուժեղն է եղել։
