Հայաստանի մարմնամարզության հավաքականի մարզիչ Հայկ Նազարյանը անհասկանալի պատճառներով Կատարից արտաքսվել է 5 տարի ժամկետով, «Արմենպրես»-ի մամուլի սրահում լրագրողների հետ հանդիպման ժամանակ հայտնել է Հայաստանի հավաքականի գլխավոր մարզիչ Հակոբ Սերոբյանը:
«Երբ ժամանեցինք Դոհա աշխարհի գավաթի խաղարկությանը մասնակցելու, անձնագրային ստուգման ժամանակ Հայկ Նազարյանին 5 տարով արտաքսեցին: Անհասկանալի է, թե ինչի համար: Նա ժամերով մնացել է օդանավակայանում, այնուհետ հետ է ուղարկվել Հայաստան»,- ասել է Սերոբյանը:
Գլխավոր մարզչի խոսքով` Նազարյանն առաջին անգամ չէր Կատարում: Նա այդ երկիր է այցելել նաև 2018 թվականին:
