Մեր նպատակն է ՀՀ-ԵՄ հարաբերությունները հասցնել հնարավոր առավելագույն մակարդակի. Բորել (տեսանյութ)

Բրյուսելում կայացել է ԵՄ հանձնաժողովի նախագահ Ուրսուլա ֆոն դեր Լայենի, ԱՄՆ պետքարտուղար Էնթոնի Բլինքենի, ԵՄ արտաքին հանձնաժողովի նախագահ Ժոզեպ Բորելի ու ՀՀ վարչապետ Նիկոլ Փաշինյանի ասուլիսը։ 

Բորելը, մասնավորապես, ասել է. «Այսօր, այստեղ, մեր ամերիկացի գործընկերների հետ, Հայաստանի հետ գործընկերությունը հաջորդ աստիճանի ենք փոխադրում։ Միավորում ենք մեր ջանքերն ու ցուցադրում մեր ամուր հանձնառությունը՝ աջակցելու Հայաստանի սուվերենությանը, ժողովրդավարությանն ու դիմադրողականությանը։ Ցանկանում ենք միավորել մեր ջանքերը՝ առաջ մղելու մեր համատեղ գործակցությունը բոլոր ուղղություններով։ Մեր նպատակն է՝ մեր գործընկերության շրջանակներում ՀՀ-ԵՄ հարաբերությունները հասցնել հնարավոր առավելագույն մակարդակի։ Հայաստանը պետք է շարունակի աշխատել բարեփոխումների ուղղությամբ՝ ուժեղացնելու իր դիմադրողականությունը։ Մենք տեսնում ենք, թե ինչպես է Հայաստանը թիրախավորվում արտաքին տեղեկատվական մանիպուլյացիաների ու միջամտության արդյունքում։ Մեր աջակցության մասն է՝ օգնելու ձեզ ու ձեր ժողովրդին՝ հասկանալ, թե որն է գործերն անելու ճիշտ ճանապարհը՝ ամրապնդելով տեղեկատվական գրագիտությունը։ Հավատում ենք, որ ուժեղ և կենսունակ Հայաստան՝ նշանակում է ուժեղ և կենսունակ Հարավային Կովկաս։ Մեր աշխատանքն աջակցելն է տարածաշրջանային երկրներին»։