Վրաստանում ռուսական հովանավորությամբ հեռուստաընկերություն է փակվել

Վրացական «Ալտ-Ինֆո» հեռուստաընկերությունը դադարեցրել է հեռարձակումը, երբ հայտնի են դարձել խորհրդարանական ընտրությունների արդյունքները:

Հեռուստաընկերության մի խումբ աշխատակիցներ պատգամավորության թեկնածու էին առաջադրվել «Հայրենասիրական այլյանսի» ընտրացուցակներով, բայց քաղաքական այդ ուժը հինգ տոկոսի շեմը չի հաղթահարել:

«Այդ պարտությունը մեզ համար շատ ծանր է, շատ լուրջ հարված է, քանի որ մենք նման արդյունքի չէինք սպասում եւ ամեն ինչ արել ենք, որպեսզի դա տեղի չունենա»,- հրավիրված ճեպազրույցին հայտարարել է հեռուստաալիքի լրագրղներից Շոթա Մարտինենկոն:

Նա ասել է, որ «հավատարիմ մարդիկ աշխատել ենք առանց վարձատրության եւ հույս են ունեցել, որ ընտրություններն այլ արդյունք կունենան»։

Նա դժվարացել է ասել, թե հետագայում ինչ է իրենց սպասվում:

Դիտարժան է, որ խորհրդարանական ընտրություններից մի քանի շաբաթ առաջ «Ալտ-Ինֆոյի» երկու աշխատակից՝ Կոնստանտին Մարգոշիան եւ Զուրա Մախարաձեն, հայտնվել են ԱՄՆ ֆինանսների նախարարության պատժամիջոցային ցուցակում՝ մարդու իրավունքները պարբերաբար խախտելու համար:

«Ալտ-Ինֆո» հեռուստաընկերությունն ուներ ծայրահեղ պահպանողական, ռուսամետ եւ հակաարեւմտյան բացահայտ կողմնորոշում եւ այդ սկզբունքներով էր խմբագրական քաղաքականություն իրականացնում:

Թիվ 1 սյունակ, Վահրամ Աթանեսյան