Նավթի գների աճ՝ վերջին զարգացումների ֆոնին

Երկուշաբթի օրը նավթի գներն աճել են ավելի քան 1%-ով, քանի որ գլխավոր ներկրող Չինաստանը 2010 թվականից ի վեր առաջին անգամ քայլ է կատարել դեպի թուլացած դրամավարկային քաղաքականություն՝ նպատակ ունենալով խթանել տնտեսական աճը. հայտնում է Reuters գործակալությունը։

Brent տեսակի նավթի ֆյուչերսներն աճել են 94 ցենտով կամ 1,32%-ով՝ հասնելով 72,06 դոլարի՝ մեկ բարելի դիմաց: ԱՄՆ West Texas Intermediate (WTI) նավթի ֆյուչերսների արժեքն աճել է 1 դոլարով կամ 1,49%-ով և կազմել 68,20 դոլար։

«Չինաստանում դրամավարկային քաղաքականության դիրքորոշման մեղմացումը, ամենայն հավանականությամբ, նավթի գնի վերականգնման շարժիչ ուժն է՝ աջակցելով ռիսկային տրամադրություններին»,- ասել է UBS-ի վերլուծաբան Ջովանի Ստաունովոն:

Mitsubishi UFJ Research and Consulting-ի ավագ տնտեսագետ Տոմոմիչի Ակուտան էլ հայտնել է, թե «Սիրիայի իրադարձությունները Մերձավոր Արևելքում ավելացրել են քաղաքական անորոշության նոր մակարդակ՝ որոշակի աջակցություն ցուցաբերելով շուկային»։