Երևանի ճանապարհների խնդիրը՝ սխալ տեղադրված դիտահորեր

Ստանդարտների համաձայն, լյուկի ծածկը կարող է դուրս պրծնել կամ ավելի ցածր լինել, քան ճանապարհը  երկու սանտիմետրից ոչ ավելի, բայց շատ դեպքերում Երևանում այս ցուցանիշը  սկսում է հինգ սանտիմետրից և առանձին դեպքերում հասնում մինչև 10 սանտիմետրի։

Երևանում վերջին տարիներին մեծածավալ աշխատանքներ են իրականացվում ճանապարհների բարեկարգման ուղղությամբ։ Սակայն դիտահորերի կափարիչների և ճանապարհների մակարդակների անհամապատասխանությունը շարունակում է մնալ լուրջ խնդիր, որն ազդում է ինչպես պետական միջոցների, այնպես էլ քաղաքացիների վրա։

Այս խնդիրն ազդում է ոչ միայն տրանսպորտային միջոցների շահագործման վրա, այլև ավելացնում է ծախսերը՝ կապված վերանորոգումների և պահեստամասերի ձեռքբերման հետ։

Դիտահորերի անհամապատասխանությունը ճանապարհների վնասում է հասարակական և մասնավոր տրանսպորտը։ Արդյունքում, մաշվում են շասսին, անիվները, կախոցային համակարգերը և այլ կարևոր բաղադրիչներ։ Պետական միջոցներով գնված տրանսպորտային միջոցները հաճախ հայտնվում են վերանորոգման կենտրոններում, ինչը դառնում է լրացուցիչ բեռ բյուջեի վրա։

Անհամապատասխան դիտահորերը վնասում են նաև անձնական մեքենաները, ինչը ծանր հետևանք է թողնում հատկապես միջին և ցածր եկամուտ ունեցող քաղաքացիների վրա։

Նմանատիպ խնդիրների կառավարման 

միջազգային փորձի մի քանի օրինակներ

Գերմանիա

Գերմանիայում ճանապարհների որակը վերահսկելու համար կիրառվում են լազերային սկաներներ։ Դրանք ճշգրիտ չափում են դիտահորերի և ասֆալտի մակարդակը՝ կանխելով ցանկացած անհամապատասխանություն։

Ճապոնիա

Ճապոնիայում մինչև ճանապարհների շահագործումը կիրառվում են դրոններ՝ ուսումնասիրելու ճանապարհների մակերեսը։ Նույնիսկ մանր անճշտությունները արագ հայտնաբերվում են և շտկվում։

Սկանդինավյան երկրներ

Սկանդինավիայում դիտահորերը հագեցած են հատուկ կարգավորիչ համակարգերով, որոնք ավտոմատ կերպով հարմարվում են ասֆալտի նոր շերտին՝ ապահովելով երկարաժամկետ կայունություն։

Երևանի քաղաքային իշխանություններին և պատկան մարմիններին անհրաժեշտ է՝

• Ստանդարտների մշակում

Մշակել տեխնիկական ստանդարտներ, որոնք կերաշխավորեն դիտահորերի և ճանապարհների համաչափ և ճշգրիտ տեղադրումը, ներդնելով գործուն վերահսկողական մեխանիզմներ։

• Ժամանակակից տեխնոլոգիաներ

Օգտագործել լազերային կամ դրոնային սարքավորումներ՝ ճանապարհաշինական, մասնավորապես դիտահորերի ամենախնդրահարույց կետերը գույքագրելու ուղղությամբ։

• Վերահսկողության ուժեղացում

Ստեղծել վերահսկողության անկախ մարմին, որը կվերահսկի ճանապարհաշինարարական աշխատանքների որակը ոչ միայն աշխատանքների հանձման այլև երաշխիքային սպասարկման ընթացքում։ Նմանատիպ աշխատանքների համար երևանում հնարավոր է կիրառել`

Ճանապարհների սկանավորման RD-M1 համակարգ

RD-M1 համակարգը նախատեսված է գոյություն ունեցող ճանապարհի մակերևույթի ձևի վերաբերյալ տվյալներ հավաքելու համար՝ հետագա ճանապարհների վերանորոգման նախագիծ ստեղծելու նպատակով:  

RD-M1 սկաները հավաքում է ճանապարհի մասին տեղեկատվությունը տվյալների մշտական ​​հոսքից ձեր վարած ուղու երկայնքով՝ տրամադրելով հետազոտվող մակերեսի մանրամասն նկարագրությունը:

Այս լուծումով դուք կարող եք կարճ ժամանակում արագ սկանավորել կիլոմետրերով ճանապարհներ:

RD-M1 լուծույթով կարիք չկա փակել գոտիները հետազոտական ​​աշխատանքների համար կամ վերադառնալ ճանապարհ՝ լրացուցիչ տեղեկություններ հավաքելու համար

ՀՀ կառավարությանն ու Քաղաքային իշխանություններին առաջարկում ենք նաև

դիտարկել  դիտահորերի  փոխման, վերանորոգման հնացած մեխանիզմները նորով փոխարինելու հնարավորությունը։ 

Օրինակ՝

Դիտահորերի մոտ ասֆալտի շրջանաձև ֆռեզը  վաղուց հաջողությամբ օգտագործվում է Եվրոպայում Ասֆալտը փոխարինելիս այժմ ավանդաբար դիտահորերի շուրջ քառակուսի փորումներ են կատարվում։ Նախկինում, ինչպես բացատրում են փորձագետները, քառակուսի քարտեզի անկյունները գործում էին որպես սթրեսային կենտրոններ՝ արագացնելով նոր ճաքերի առաջացումը: Կլոր կարկատուն ոչ միայն երկար է ծառայում, այլ նաև ավելի էսթետիկ տեսք ունի:

Թիվ 1 Մեդիայի հիմնադիր ՝ Էդգար Բաբայան