ՀՀ վարչապետ Նիկոլ Փաշինյանը «Ֆեյսբուք»-ի իր էջում հրապարակել է կառավարության երեկվա նիստի տեսագրությունից մի հատված, որտեղ խոսվում էր այն մասին, որ բռնության կոչեր անողները պետք է ենթարկվեն քրեական պատասխանատվության:
Կառավարության նիստի այդ հատվածում ՀՀ վարչապետը Նար-Դոսի պատմվածքներից մեկը շփոթմամբ վերագրել էր Թումանյանին, ինչի համար էլ իր էջում պաշտոնապես ներողություն է խնդրել:
«Պաշտոնապես ներողություն եմ խնդրում Նար-Դոսից իր հրաշալի պատմվածքը Թումանյանին վերագրելու համար:
Մնացած մասով ամեն ինչ ճիշտ է. կանանց եւ երեխաների նկատմամբ բռնության արդարացման որեւէ փորձ ապազգային գործունեություն է, Հայաստանը միջնադարյան խավարի երկիր ունենալու անիրագործելի երազանք: Թույլ չենք տա»,- գրել է վարչապետը:
