Սահմանադրության տեքստը պատրաստ կլինի մարտին. Գալյան

Սահմանադրության տեքստը պատրաստ կլինի այս տարվա մարտ ամսին. հայտարարել է ՀՀ արդարադատության նախարար Սրբուհի Գալյանը։

«Մեր առաջնահերթություններից է նոր սահմանադրության տեքստի վերջնականացումը, և դա նախատեսվում է իրականացնել առաջիկա կիսամյակի ընթացքում»,- ասել է նա։ Գալյանը նաև մանրամասնել է. «Մարտ ամսին մենք կունենանք տեքստ, որը հրապարակման ենթակա կլինի»։

Ըստ նրա, երբ մարտին տեքստը պատրաստ լինի, կկազմակերպվեն իրազեկման արշավներ։ «Կան բազմաթիվ հարցեր, որոնք քննարկվել, քվեարկվել ու ընդունվել են խորհրդի կողմից, և մենք պարտավոր ենք հանրության հետ կոմունիկացվել»,- ասել է նա։