Սա ՀՀ ԶՈւ-երի զինանշանը չէ, այլ՝ ՀՀ ՊՆ տարբերանշանի տարբերակը. Արծրուն Հովհաննիսյանը՝ ՀՀ ՊՆ տարբերանշանի տարբերակի մասին

ՀՀ ՊՆ խոսնակ Արծրուն Հովհաննիսյանն անդրադարձել է ՀՀ ՊՆ նոր տարբերանշանի ներկայացված նախագծին, որը երեկվանից տարաբնույթ մեկնաբանությունների եւ քննարկումների տեղիք է տվել: ՊՆ խոսնակը մեկ անգամ եւս ընդգծել է, որ ներկայացվածը ոչ թե ՀՀ ԶՈւ-երի զինանշանն է, այլ՝ ՀՀ ՊՆ տարբերանշանի տարբերակը։

«Երեկ շատ քննարկվեց այս թեման։ Ես գիտեմ, որ բոլորս միաժամանակ մասնագետ ենք տիեզերքից մինչև բալետ ու ֆուտբոլ։ Բայց խնդրում եմ մինչև վերջ կարդալ։ Սա ՀՀ ԶՈւ-երի զինանշանը չէ, այլ՝ ՀՀ ՊՆ տարբերանշանի տարբերակը։ Եթե մի կողմ թողնենք մեր անձնական կարծիքները, ապա այստեղ կարևոր է մի քանի հանգամանք։

1.Սա նախագիծ է, պաշտոնական չէ, վերջնական չէ:

2.Ոչ այս նկարում, ոչ երեկվա շրջանառված նկարում գծերի համաչափությունը կարող է պահպանված չլինել, քանի որ այն վեկտորային ֆայլը չէ։

3.Այս նախագիծը հանրային աջակցության պարագայում կարող է դառնալ պաշտոնական։ Կարող է դառնալ»,-գրել է Արծրուն Հովհաննիսյանը: