Գագիկ Ծառուկյանն այցելել է Գեղարքունիքի մարզ: Բնակիչները Գագիկ Ծառուկյանի կարծիքն են հարցրել Փաշինյան-Պուտին վերջին հանդիպման վերաբերյալ: «Շատ վատ եմ վերաբերվում, տենց խոսակցություն չպետք է լիներ: Մեր դաշնակից երկիրն ա ՌԴ-ն: Պուտինն ինչ ա ասում, ասում ա՝ եղբայր, եթե մենք գործընկեր ենք, իրար հետ ենք, պետք է ընկերություն անենք, իրար շահերը պաշտպանենք, իսկ եթե դու մեր կողմը չես, մեր թշնամու կողմն ես, ուրեմն հարաբերությունները կշեղենք»,- ասել է Ծառուկյանը:
Մարտունիում հանդիպման ժամանակ բնակիչներից մեկն ասել է. «90 տոկոսը նստած ա Ռուսաստանի վրա, սաղ Ռուսաստանի հույսով են, մեկնում են արտագնա աշխատանքի»: «Էսօր Եվրոպան Ռուսաստանի հետ թշնամի է, մենք Ռուսաստանի հետ բարեկամ-դաշնակից պետություն ենք: Եթե հակառակ ենք ուզում անել՝ գնալ Ռուսաստանի թշնամու հետ, Ռուսաստանն ասում է՝ ընտրի»,- արձագանքել է ԲՀԿ առաջնորդը:
