«Ես կցանկանայի լինել ձեր սրտերի թագուհին…». արքայադուստր Դիանան այսօր կդառնար 59 տարեկան

1961թ.-ի հուլիսի 1-ին է ծնվել ՈՒելսի Արքայադուստր Դիանան, ով 1981-1996 թթ. եղել է Արքայազն Չարլզի կինը։ Նա մահացել է ավտովթարից՝ 1997թ.-ի օգոստոսի 31-ին ` 36 տարեկան հասակում։

Ձեզ ենք ներկայացնում Լեդի Դիի լավագույն մեջբերումներից.

Ես սիրում եմ լինել հոգով ազատ: Շատերին դա դուր չի գալիս, բայց այդպիսինն եմ ես։

Երբ երջանիկ ես, կարող ես շատ բաներ ներել։

Ես օրենքներով չեմ ապրում: Ես ուղղորդվում եմ սրտի թելադրանքով, այլ ոչ թե գլխի:

Եթե գտել եք  այս աշխարհում մեկին, ում սիրում  եք ամբողջ էությամբ, ուրեմն ամուր կառչեք այդ սիրուց:

Այս դարի մեծագույն հիվանդությունը այն է, որ մարդիկ շատ շուտ են վիրավորվում:

Ոչինչ այնքան երջանկություն չի պատճառում ինձ, որքան օգնել հասարակության ամենախոցելի խավին: Դա իմ կյանքի նպատակն է և իմ կյանքի կարևորագույն  մասը՝ ճակատագիր, որպես այդպիսին: Նրանք, ովքեր դժվար իրավիճակում են, կարող են զանգահարել ինձ: Ես վազելով կգամ, որտեղ էլ որ նրանք լինեն։

Եթե տղամարդիկ կարողանային ծննդաբերել, նրանցից և ոչ ոք մեկ երեխայից ավել երեխա չէր ունենա։

Ես կցանկանայի լինել ձեր սրտերի թագուհին, սակայն չեմ պատկերացնում ինձ որպես այս երկրի թագուհի: