Իրանը խոցել է ամերիկյան ԱԹՍ

Ինչպես հաղորդում է CNN-ը, Իրանի «Իսլամական հեղափոխության պահապանների կորպուսը» առավոտյան խոցել է Պարսից ծոցի շրջանում տեղակայված ամերիկյան ստորաբաժանումներից մեկի ԱԹՍ-ը։ Ժամեր անց Իրանի ԱԳՆ մամլո քարտուղար Սայեդ Աբբաս Մուսավին հանդես է եկել ուղերձով՝ իր խոսքում նշելով․«Մենք խստորեն դատապարտում ենք նման ագրեսիվ և սադրիչ գործողությունը մեր երկրի սահմանների նկատմամբ։ Զգուշացնում ենք, որ Իրանի օդային տարածքի ցանկացած խախտում օտարերկրյա թռչող օբյեկտների կողմից արժանանալու է կոշտ պատասխանի, իսկ մեր օդային սահմանը խախտողները պատասխանատվություն են կրելու իրենց գործողությունների տհաճ հետևանքների համար»: