Ինչպես արդեն հայտնի դարձավ, կյանքից հեռացել է ինֆորմացիոն տեխնոլոգիաների ձեռնարկությունների միության (ԻՏՁՄ) գործադիր տնօրեն Կարեն Վարդանյանը:
Այս մասին իր ֆեյսբուքյան էջով տեղեկացրել է ՀՀ Բարձր տեխնոլոգիական արդյունաբերության նախարար Հակոբ Արշակյանը՝ նշելով, որ Վարդանյանը անգնահատելի ներդրում է ունեցել տեղեկատվական տեխնոլոգիաների զարգացման ոլորտում: Նրա շնորհիվ կայացել են մի շարք տեղեկատվական ֆորումներ և միջոցառումներ, բացի դրանից վերջինս մի քանի արտոնագրված գյուտի հեղինակ է: Թեմայի վերաբերյալ Թիվ1-ը Վարդանյանի նախկին հարցազրույցներից մի քանի հետաքրքիր մտքեր է առանձնացրել, որոնք պատմում են իր հայրենասեր տեսակի մասին:
«Եթե մենք քսան տարի հետո ուզում ենք տեսնել տեխնոլոգիական երկիր, ապա «Արմաթ» լաբորատորիան կանգնում է դրա հիմքում: Հայաստանում մենք գործ ունենք ապագայի բացակայության կոնցեպտի հետ, չկա, հայտարարված տեսլական, թե տարիներ անց մենք ինչպիսի երկիր ենք ուզում տեսնել»:
2018թ. «Ազատություն» ռադիոկայանին տված հարցազրույց
«Մենք ամեն ինչ արել ենք, որպեսզի հնարավորինս շատ հայ մասանգետներ մասնակցեն կոնգրեսների, Հայաստանը վերջին տարիներին տեղավորվել է IT քարտեզի վրա, այսօր համաշխարհային հայտնի շատ ընկերություններ մեզ ճանաչեցին այս ոլորտում»:
2019թ «Շանթ» հեռուստաընկերությանը տված հարցազրույց
«Ցավոք սրտի Հայաստանը այդպես էլ չունեցավ մեր երազած այն մեծ դահլիճը, որտեղ հնարավոր կլիներ տեղավորել միաժամանակ տասը հազար մարդ և խոսել գիտական նվաճումներից, մեր հնարավորությունները այս հարցում դեռ փոքր են»:
2019թ «Շանթ» հեռուստաընկերությանը տված հարցազրույց
«Մենք Ղարաբաղյան պատերազմը հաղթել ենք այլ կոնցեպտով, ունեինք ջոկեր կազմված ընկերներից բարեկամներից, գյուղացիներից, որոնք հաղթանակ էին տանում ամենուր, իսկ 90-ականների կեսերին բանակը սկսեց փոխվել դեպի ռուսականը՝ օգտագործելով ռուսական ցամաքային զորքերի կանոնադրությունը և էն հաղթական բանակը այնպես դեֆորմացվեց, որ դրանից բան չմնաց»:
2018թ. «Ազատություն»ռադիոկայանին տված հարցազրույց
«Մեր կողմից պլանավորված բոլոր ծրագրերի իրականացումից հետո մենք բանակ կուղարկենք մի քանի հազար երեխա, որոնք ոչ միայն տիրապետում են անօդաչու թռչող սարքեր պատրաստելուն, այլև դրանց կիրառելուն: Դրանից բացի մեր երեխաները չեն արտագաղթի, քանի որ իրենք իրենց ապագան կտեսնեն հենց Հայաստանում դառնալով բարձր մասնագետ»:
2019թ «Հանրային» հեռուստաընկերությանը տված հարցազրույց
Թիվ 1-ի անձնակազմը ցավակցություններ է հայտնում Կարեն Վարդանյանի ընտանիքին և հարազատներին:
