Մինչ գործող իշխանությունը փորձում է ջրի երես հանել տարիներ շարունակ ժողովրդի երակներից անհաշիվ միլիոններ թալանած «սրբերի» անցած ուղին, փրփուրներից կառչած նախկին բյուրոկրատիան թափահարում է պետականության նկատմամբ իր ունեցած մեծագույն հարգանքն ու խոնարհումը՝ «ի տարբերություն ներկաների»։
Բայց ամենահետաքրքիրն այն է, որ երբ նրանցից յուրաքանչյուրը, ով չարաշահման, փողերի լվացման, պետական միջոցների յուրացման մեջ մեղադրանքի հատորներով հանգրվանում է Հատուկ քննչական ծառայությունում, շատ արագ պարզվում է, որ թափահարվող հայրենասիրության դրոշի պատվանդանը խնամքով թաքցրած երկքաղաքացիությունն է։
Կարելի կարծել, որ անհայրենիք հայրենասերների համար ՀՀ Հատուկ քննչական ծառայություն մուտքը ռուսական անձնագրով է։
Պետականության և կառավարման համակարգի նկատմամբ վերաբերմունքի մասին աղաղակող պարոնա՛յք անցավորներ, ռուսական անձնագիրը մեղքերի թողության անցաթուղթ չէ, ավելին՝ այն ավելի տեսանելի է դարձնում, որ դուք որևէ աղերս չունեք պետականամետության և պետականակենտրոն արժեհամակարգի հետ։
Նվարդ Մելիքյան
