Նոր փոփոխությունն ավելի ծանր բեռ է դառնալու. Արման Բաբաջանյան

Այսօր Ազգային ժողովը արտահերթ նիստ է գումարել, որտեղ քննարկվում է «Հայաստանի Հանրապետության բնակչության սանիտարահամաճարակային անվտանգության ապահովման մասին» օրենքում փոփոխություն և լրացումներ կատարելու մասին և այլ նախագծերի փաթեթը, որը հնարավորություն կտա առանց արտակարգ դրություն հայտարարելու ընդունել համապատասխան որոշումներ ՝ կապված կորոնավիրուսային իրավիճակի հետ:

Քննարկման ժամանակ ելույթ ունեցավ անկախ պատգամավոր Արման Բաբաջանյանը:

«Ակնհայտ է, որ արտակարգ դրության ռեժիմը լուրջ բեռ է պետության համար: Բայց խնդիրն այն է, որ այս նոր փոփոխությունն ավելի ծանր բեռ է դառնալու բոլորիս համար: Սա քաղաքական հարց է: Օրինագծով ներմուծվում են տասնյակ սահմանափակումներ և այն զրկում են ներառականությունից, դրանով մենք քաղաքացուն ոչ թե այս պայքարում դարձնում ենք պետության դաշնակից, այլ օտարում ենք պետությունից», – նշեց Բաբաջանյանը: