Այս պահին ընթանում է Նիկոլ Փաշինյանի հրաժարականի պահանջով «արժանապատվության երթը»։ Այլ կերպ ասած՝ արժանապատիվ հայերը դուրս են եկել փողոց հստակեցնելու, որ իրենք «թասիբով են» (ես չեմ ասում, պարզապես ցիտում են ակցիայի մասնակիցների խոսքերը) և չեն համակերպվում կապիտուլյացիոն փաստաթղթի հետ, իսկ այն ստորագրած Նիկոլ Փաշինյանը պետք է հեռանա։
Նաև՝ հասարակության այն հատվածը, որ չի մասնակցում երթին, միայն «պատուհաններից կախված» և լրատվամիջոցներով է հետևում հանրահավաքին, կիսում է վարչապետի՝ վերջին օրերին հայտնած տեսակետները և հանդիսանում է նրա «դավաճանական արարքի հանցակիցը»։
Երթը գլխավորող երիտասարդները նշեցին, որ «Նիկոլ Փաշինյանի հետագա պաշտոնավարումը մեծ վտանգ է պարունակում իմ և քո համար», ուստի առաջիկա օրերին կոչ արեցին միանալ իրենց, քանի որ չմիանալ կնշանակի, որ ժողովուրդն է պարտվել պատերազմում, ինչպես հայտարարում է Նիկոլ Փաշինյանը։
Քրիստինե Հովսեփյան
