Էկոնոմիկային նախարար Վահան Քերոբյանը լրագրողների հետ զրույցում ասաց, որ պրոֆեսիոնալ պաշտոնյաները զբաղվում են Կապան-Գորիս միջպետական ճանապարհին ստեղված իրավիճակը հարթելու խնդրով:
«Անտրամաբանական է, որ մենք բոլորս նետվենք ինչ-որ հարցի լուծման համար, որով զբաղվում են պրոֆեսիոնալ պատասխանատուները: Կարծում եմ, որ հարցը շուտով լուծում կստանա»,- ասաց Քերոբյանը:
Նրա խոսքով` իրանական մեքենաները խնդիր ունեն ոչ թե Հայաստան մտնելու հետ կապված, այլ ունեն խնդիր Երևան հասնելու:
«Խնդիրը լուծվում է շրջանցող ճանապարհով, որն, իհարկե, հարմարեցված չէ բեռնատար մեքենաների համար, բայց այդ ճանապարհը գործում է, և բեռնատար մեքենաները անցնում են: Կրկնում եմ, շատ մտահոգված ենք և շատ անհանգստացած ենք այդ ճանապարհի փակմամբ և ամեն ինչ անում ենք, որպեսզի այդ ճանապարհը բացվի»,- եզրափակեց Քերոբյանը:
