Միջուկային զենքի կիրառման վտանգը հասել է վերջին 40 տարվա առավելագույն մակարդակին: Այդ մասին հայտարարել է ՄԱԿ-ի Գլխավոր քարտուղար Անտոնիո Գուտերեշը՝ ՄԱԿ-ի Գլխավոր վեհաժողովի՝ միջուկային զենքի ամբողջական վերացման համար պայքարի միջազգային օրվան նվիրված նիստում:
Նա նշել է, որ մոլորակի վրա կա գրեթե 14 հազար միավոր միջուկային զենք, և չնայած նրան, որ դրա քանակն ընդհանուր առմամբ նվազում է, սպառազինությունների նոր մրցավազք է հասունանում:
«Միևնույն ժամանակ, Ռուսաստանի Դաշնության և Միացյալ Նահանգների որոշումը՝ երկարաձգել ռազմավարական միջուկային զենքի փոխադարձ կրճատման մասին պայմանագիրը, դրական քայլ է։ Դրական է նաև հունվարին միջուկային զենքի արգելման մասին պայմանագրի ուժի մեջ մտնելը»,- ընդգծել է Գուտերեշը:
