Որքան ցածր է մարդու կրթական ցենզը, այդքան ավելի մեծ գումարներ աշխատելու հավակնություն ունի …
Ապօրինի կերպով գումար աշխատողները հաճախ հակադարձում են, թե այլ գործ չկա: Բայց երբ կոնկրետ առաջարկ ես անում, ահավոր վրդովված ասում են, թե 150֊200 000 ինքդ գնա աշխատի, տուն պահի:
Ոնց ասես, որ ավելի քիչ եկամտով ես պահել, կողքից ինչ ասես անելով, բայց օրենքի դաշտում մնացել:
Բայց դա հեչ:
Իրենց ծաղրած աշխտավարձով մարդիկ են լուռ աշխատում, իրենց բուժելով, իրենց երեխաներին կրթելով, ի վերջո՝ իրենց թափածը մաքրելով:
Բա որ բոլորն իրենց պես մտածեն ու գնան փողոցում առևտուր անելու, անտառ կտրելու և այլն, ո՞ւր կհասնի: Հենց այդ մարդիկ ամեն օր օգտվում են իրենց կողմից ծաղրանքի ենթարկված աշխատավարձով ապրող մարդկանց ծառայություններից: Ընդ որում, ի տարբերություն իրենց, այդ մարդիկ ժամանակին աչք են քոռացրել՝ սովորելով:
Ահա այստեղ լուրջ խնդիր ունենք, ինչի համար կարևորում եմ միջին մասնագիտական կրթությունը, այդ թվում՝ շարունակական, որ ցանկացած տարիքում գնան սովորեն այն արհեստը, այն մասնագիտությունը, որը իրենց համար օրինական փեշակ կլինի:
Չմոռանանք նաև, որ խնդիր ունենք այդ աշխատանքով զբաղվող մարդկանց դերը բարձրացնելու, եթե կուզեք, պետական մակարդակով հալալ քրտինքով աշխատելը պրոպագանդելու ծրագիր ունենալու:
Իզաբելլա Աբգարյանի ֆեյսբուքյան էջից՝ https://www.facebook.com/izabelle.abgaryan/posts/10215950900699798
