Այսուհետ Երևանի քաղաքապետարանում աշխատանքային հանդիպումները ժամանակ առ ժամանակ ուղիղ եթերով կհեռարձակվեն։ Համապատասխան որոշումը կայացրել է Երևանի քաղաքապետ Հրաչյա Սարգսյանը։
«Քաղաքապետարանը լուծում է քաղաքի բազմաթիվ խնդիրներ, բայց տպավորություն է ստեղծվում, որ դրանք անտեսանելի են մնում քաղաքի բնակիչների համար»,- ասաց Սարգսյանը։
Նրա խոսքով` կլինեն աշխատանքային խորհրդակցություններ, որոնք կանցկացվեն դռնփակ, բայց հիմնականում նախատեսում են դրանք հեռարձակել։ Այսկերպ բնակիչներն ավելի լավ կհասկանան քաղաքի խնդիրները և դրանց լուծման ուղղությամբ քաղաքային իշխանությունների կողմից իրականացվող աշխատանքների ծավալը։
Նա նաև կոչով դիմեց քաղաքապետարանի և թաղապետարանների աշխատակիցներին՝ հորդորելով ժամանակին գալ աշխատանքի։Սարգսյանը պարզաբանեց, որ բոլորի, հատկապես վարչակազմերի ղեկավարների աշխատանքը պետք է սկսվի ժամը 09:00-ից։ Նրա խոսքով`խնդիր է, երբ ինչ-որ հարցով զանգահարում են աշխատակիցներից մեկին, բայց նա աշխատանքային ժամին աշխատանքի չէ։
«Վստահեցնում եմ, որ եթե բոլորը ժամանակին սկսեն իրենց աշխատանքը, ժամը 18:00-ից հետո քաղաքապետարանում մնալու և աշխատելու կարիք չի լինի»,- ասաց Սարգսյանը։
Քաղաքապետը նաև խնդրեց չխաբել իրեն, որովհետև կարճ ժամանակ անց դա կբացահայտվի։
«Ես թիմային աշխատող եմ, ինձ նոր չեք ճանաչում, և ուզում եմ, որպեսզի բոլորս համատեղ ուժերով արդյունքներ գրանցենք»,–ասաց նա։Նրա խոսքով`նույնիսկ ամենածանր պահերին պետք է բոլոր խնդիրները քննարկել և համատեղ որոշումներ կայացնել։
Ճանապարհին որոշակիորեն կորցնելով ուժգնությունը՝ «Կիրկ» փոթորիկը հասել է Եվրոպա։ Ատլանտյան օվկիանոսի վրա ձևավորված փոթորիկն անցել…
Ս․թ․ հոկտեմբերի 4-ին Երևանի Հանրապետության հրապարակում տեղի է ունեցել WCIT 2024-ի բացման հանդիսավոր արարողությունը, որի…
Ուսուցիչները կկարողանան ատեստավորման մասնակցել էլեկտրոնային եղանակով. կառավարության նիստում ընդունվել է համապատասխան որոշումը։ ԿԳՄՍ նախարար Ժաննա…
Կառավարության որոշմամբ կավելացվի Հայաստան 0% մաքսատուրքով էլեկտրոմոբիլի ներմուծման քվոտան։ Ինչպես տեղեկացրել է էկոնոմիկայի նախարար Գևորգ…
Առաջարկում ենք 1 մլրդ 391 մլն դրամ հատկացնել մարզպետների աշխատակազմերին՝ 20 սուբվենցիոն ծրագրեր համաֆինանսավորելու համար:…
Հոկտեմբերի 9-ին ՀՀ էկոնոմիկայի նախարար Գևորգ Պապոյանի նախագահությամբ կայացել է ՀՀ շուկայի վերահսկողության տեսչական մարմնի…