ՀՀ ԱԳ նախարար Արարատ Միրզոյանը Նյու Յորքում կարճ զրույց է ունեցել ԱՄՆ պետքարտուղար Էնթոնի Բլինքենի հետ։ Միրզոյանն ընդգծել է, որ Հարավային Կովկասն ապակայունացնելու բոլոր փորձերը պետք է կանխվեն։

Մարդու իրավունքների պաշտպանը՝ ամփոփելով մարդու իրավունքների վիճակի առնչությամբ աշխատակազմի իրականացրած մշտադիտարկման արդյունքները, արձանագրում է` Ադրբեջանի կողմից քաղաքացիական բնակավայրերի ու ենթակառուցվածքների թիրախավորման պատճառով Լեռնային Ղարաբաղում ստեղծվել է հումանիտար աղետ: Մասնավորապես՝ կան բազմաթիվ զոհեր ու վիրավորներ, այդ թվում` քաղաքացիական բնակչության շրջանում (ներառյալ երեխաներ) բազմաթիվ մարդկանց ճակատագրերի վերաբերյալ տեղեկություններ չկան, նրանց թվում են՝ կանայք, երեխաներն ու տարեցները ընտանիքները […]

Լեռնային Ղարաբաղում հրադադարը դրական նորություն է և պետք է պահպանվի։ Այս մասին X-ում գրել է Մեծ Բրիտանիայի Եվրոպայի հարցերով պետնախարար Լեո Դոքերթին։ «Միացյալ Թագավորությունը շարունակում է կոչ անել բոլոր կողմերին զերծ մնալ էսկալացիոն գործողություններից, ներգրավվել կառուցողական բանակցությունների մեջ՝ ապահովելու կայուն խաղաղություն և հեշտացնել հումանիտար մուտքը տարածաշրջան»,- գրել է բրիտացի պաշտոնյան:

Ժոզեպ Բորելը որոշել է Հարավային Կովկասում ԵՄ հատուկ ներկայացուցչին ուղարկել տարածաշրջան Բաքվի կողմից Արցախի դեմ ռազմական գործողության պատճառով։ Տոյվո Կլաարը պետք է եվրոպական դիվանագիտության ղեկավարին զեկուցի իրերի վիճակի մասին։

Ներքին գործերի նախարարության միգրացիայի և քաղաքացիության ծառայությունը տեղեկացնում է. «Միջգերատեսչական քննարկումներ են տեղի ունենում Լեռնային Ղարաբաղի մեր հայրենակիցների Հայաստան հնարավոր մուտքը կազմակերպելու շուրջ»:

Ադրբեջանը «մինչև վերջ կգնար», եթե Ղարաբաղում վայր չդնեին զենքերը։ Սակայն մենք ևս ունենք զոհեր և վիրավորներ։ Այս մասին հայտարարել է Ադրբեջանի նախագահ Իլհամ Ալիևը։ «Ղարաբաղի հայ բնակչությունն Ադրբեջանի քաղաքացիներ են։ Մենք ցանկանում ենք հաստատել համատեղ գոյակցություն՝ հիմնված խաղաղության, փոխըմբռնման և փոխադարձ հարգանքի վրա»,-ասել է նա։

Ադրբեջանական կողմում կան զոհեր և վիրավորներ։ Այդ մասին իր ժողովրդին ուղղված ուղերձում հայտարարել է Ադրբեջանի նախագահ Իլհամ Ալիևը՝ առանց քանակ հրապարակելու։ Նրա խոսքով՝ Արցախյան երկրորդ պատերազմի ավարտից հետո Ադրբեջանի ավելի քան 300 քաղաքացի ականների զոհ է դարձել կամ վիրավորվել։ Ալիևը անդրադարձել է Արցախում ադրրբեջանական հարձակմանը․ «Հանձնարարված բոլոր առաջադրանքները կատարվեցին ընդամենը մեկ օրում։ Ադրբեջանը վերականգնեց իր […]