Ֆրանսիայի ԱԳ նախարար Կատրին Կոլոննան թվիթերյան(X) իր էջում անդրադարձել է Լաչինով և Աղդամով Արցախ բեռների մատակարարմանը․ «Լաչինի միջանցքով և Աղդամի երթուղով Լեռնային Ղարաբաղ մարդասիրական օգնության համաժամանակյա մատակարարումը պետք է դառնա անարգել մարդասիրական օգնության առաջին քայլը՝ միջազգային իրավունքի և Միջազգային դատարանի որոշման համաձայն»,- գրել է նա։

Արցախի շուրջ տեղի ունեցող զարգացումների շուրջ Հանրային հեռուստաալիքի ոչ բավարար լուսաբանման կապակցությամբ «Վրաստանի հայ համայնք» հասարակական կազմակերպության՝ հեռուստաընկերության մոտ կազմակերպած նստացույցի արդյունքում, «Կիրակի օրվա մոամբա» (լրաբեր) հաղորդման շրջանակներում 15 րոպե տևող սյուժեով, լուսաբանվել են Արցախի շուրջ ընթացող զարգացումները, գրում է Aliq.ge-ն։ Սյուժեն մեկնարկում է հետևյալ նախադասությամբ՝ «Թեժ քաղաքական աշուն ակնկալվում է ոչ միայն մեր երկրում, […]

Ադրբեջանի ԱԳՆ-ն հայտարարություն է տարածել՝ պահանջների շարք հղելով Արցախի իշխանությունների և Հայաստանին։ Հայտարարությունում, մասնավորապես ասվում է. «Ադրբեջանը Հայաստանից պահանջում է դադարեցնել ռազմական շինարարությունը Ղարաբաղի տարածաշրջանում, հրաժարվել իր ռևանշիստական ​​ծրագրերից, դադարեցնել Ադրբեջանի ինքնիշխանության և տարածքային ամբողջականության խախտումը և դադարեցնել Ադրբեջանի Ղարաբաղի տարածաշրջանում անջատողականությանն ու ահաբեկչությանը աջակցելը։ Ադրբեջանը պահանջում է նաև Հայաստանի զինված ուժերի անձնակազմի անհապաղ դուրսբերում, […]

Աղդամի ճանապարհով մարդասիրական բեռների տեղափոխումը Լեռնային Ղարաբաղ չի վերացնում շրջափակումը։ Այս մասին թվիթերում գրել է ԵՄ-ում Հայաստանի առաքելության ղեկավար Տիգրան Բալայանը։ «Դա չի կարող համարվել որպես Լաչինի բացման անհրաժեշտության վերաբերյալ Արդարադատության միջազգային դատարանի որոշման կատարում»,-գրել է նա։

Ռուսաստանի ԱԳՆ խոսնակ Մարիա Զախարովան մեկնաբանել է Լաչինի և Ասկերանի ճանապարհներով «Կարմիր խաչի» միջազգային կոմիտեի (ԿԽՄԿ) բեռների անցումը Ստեփանակերտ և դրանում ՌԴ ներգրավվածությունն ու դերակատարումը։ Հայտարարության մեջ, մասնավորապես, ասվում է. «Հուսով ենք, որ Լեռնային Ղարաբաղում հումանիտար իրավիճակի աստիճանական բարելավումը պայմաններ կստեղծի Բաքվի և Ստեփանակերտի միջև երկխոսություն սկսելու և ղեկավարների միջև ամենաբարձր մակարդակով եռակողմ համաձայնագրերի ամբողջ […]

Եվրամիության խորհրդի նախագահ Շառլ Միշելը X (Twitter) սոցցանցի իր միկրոբլոգում գրել է. «Ղարաբաղի հայերին վերջապես մարդասիրական մատակարարումներ են իրականացվում։ Ողջունում ենք մարդասիրական բեռների միաժամանակյա անցում Լաչինով և Աղդամով․ այն պետք է դառնա կանոնավոր։ Նաև կարևոր է Բաքվի և Ղարաբաղի հայերի միջև բանակցություններ սկսել իրենց իրավունքների և անվտանգության վերաբերյալ, որոնց ԵՄ-ն պատրաստ է աջակցել»։

Կրկին տեղեկացնում ենք, որ Կարմիր խաչի միջազգային կոմիտեի կողմից Ակնա-Ստեփանակերտ ճանապարհով տեղափոխվել են բժշկական և հիգիենայի պարագաներ, որոնք ներկայումս գտնվում են ԿԽՄԿ-ի պահեստում: Դրանք Արցախի Հանրապետության կառավարությանը կփոխանցվեն միայն համապատասխան փորձաքննությունն անցնելուց հետո: Այս մասին հայտնում է Արցախի տեղեկատվական շտաբը։ Փորձաքննություն անցած և ԱՀ կառավարության կողմից սահմանված չափանիշներին (ծագում, որակ) չհամապատասխանող ապրանքները տեղում ոչնչացվելու են: […]