Ալմաթիում մեկնարկել է Հայաստանի վարչապետ Նիկոլ Փաշինյանի և Ռուսաստանի վարչապետ Միխայիլ Միշուստինի հանդիպում: ՀՀ վարչապետը Ղազախստանում մասնակցել է ԵԱՏՄ միջկառավարական խորհրդի նեղ կազմով նիստին: Փետրվարի 3-ին կկայանա ԵԱՏՄ միջկառավարական խորհրդի ընդլայնված կազմով նիստը

Եվրասիական տնտեսական միության երկրների վարչապետերը Ալմաթիում քննարկել են եվրասիական ինտեգրացիային առնչվող արդիական մի շարք հարցեր, տեղեկացնում է Հայաստանի կառավարությունը։ Վարչապետ Նիկոլ Փաշինյանը մասնակցել է խորհրդի նեղ կազմով նիստին։ Օրակարգում, մասնավորապես, ԵԱՏՄ ներքին շուկայի գործունեությանը, էներգետիկայի ոլորտում համագործակցությանը վերաբերող հարցեր էին։ Միջկառավարական խորհրդի ընդլայնված կազմով նիստը տեղի կունենա վաղը՝ փետրվարի 3-ին։

Թուրքիայի պաշտպանության նախարար Հուլուսի Աքարը Կարսում ընթացող «Ձմեռ-2023» զորավարժության բարձր մակարդակի դիտարկման օրվա իր ելույթում վերահաստատել է Անկարայի աջակցությունը Բաքվին: «Ադրբեջանի հետ մեր համագործակցությունը շարունակվում է։ Ինչպես գիտեք, մինչ օրս մենք ամբողջ ուժով աջակցել ենք Ադրբեջանին իր իրավացի գործում և այսուհետ ևս շարունակելու ենք աջակցել»,- ասել է Աքարը։

ՌԴ ԱԳ նախարար Սերգեյ Լավրովը Դմիտրի Կիսելյովի հետ հարցազրույցում անդրադարձել է հայ-ադրբեջանական հարաբերություններին, սեպտեմբերյան միկրոպատերազմին և ղարաբաղյան կարգավորման գործընթացին։ Լավրովը, մասնավորապես, հայտարարել է. «Երբ Հայաստանն ու Ադրբեջանը շարունակում են ուղիներ փնտրել Կովկասում իրավիճակի հանդարտեցման վերաբերյալ, ՀԱՊԿ-ը նույնպես պատրաստ է օգնել։ Եվ երբ սեպտեմբերյան դեպքերից հետո բռնության աճ եղավ, երկու կողմից մոտ 300 մարդ զոհվեց, մենք […]

Թուրքիայում գործող ընդդիմադիր «Ժողովուրդների դեմոկրատական» կուսակցության (ԺԴԿ-HDP) պատգամավոր Կարո Փայլանը Թուրքիայի խորհրդարանում հարցադրում է ուղղել ներքին գործերի նախարար Սուլեյման Սոյլուին փոքրամասնությունների անվտանգության վերաբերյալ։ Փայլանի այդ քայլը հաջորդել է այն լուրերին, որ ԱՄՆ-ի և եվրոպական երկրների՝ Թուրքիային ուղղված անվտանգության նախազգուշացումներից հետո նաև փոքրամասնությունները կարող են դառնալ ահաբեկչության թիրախ։ Այս մասին գրում է Ermenihaber.am-ը Փայլանը հարցրել է․ 1․ […]

Անազատության մեջ գտնվող Միխեիլ Սաակաշվիլին, այսօր հեռավար կարգով մասնակցելով իր գործով ընթացող դատական նիստին, պահանջել է համարժեք բուժում տրամադրել իրեն։ «Իմ միակ խնդրանքը ինձ համարժեք բուժման հնարավորություն տրամադրելն է», -դիմելով դատարանին հայտարարել է Սաակաշվիլին՝ բարձրացնելով շապիկը և ցույց տալով, թե որքան է նիհարել։ Դատարանի նախագահը, սակայն, դադարեցրել է հեռարձակումը և դատարանի նիստը փակված հայտարարել։

Ռուսաստանում այսօր  ուժի մեջ է մտել ռուսական նավթամթերքի գների վերին շեմ սահմանած «ոչ բարեկամ» երկրներին նավթի մատակարարումների արգելքը։ ՌԴ նախագահ Վլադիմիր Պուտինի կողմից դեկտեմբերի 27-ի ստորագրված հրամանագրի համաձայն՝ արգելվում են ռուսական նավթի և նավթամթերքի մատակարարումներն օտարերկրյա քաղաքացիներին և ընկերություններին, եթե պայմանագրերում «ուղղակիորեն կամ անուղղակիորեն նախատեսվում Է գնի վերին շեմի սահմանման մեխանիզմի կիրառում»։ Սահմանափակված արժեքով նավթի […]