Գերմանիայի կանցլեր Օլաֆ Շոլցը եռօրյա այցով ժամանել է Չինաստան. նախատեսվում է հանդիպում Սի Ծինպինի հետ: Նրանք կքննարկեն չին-գերմանական փոխհարաբերությունները և ընդհանուր հետաքրքրություն ներկայացնող հարցեր:  Այցի ընթացքում Շոլցին ուղեկցում է  նաև գործարարների պատվիրակություն, որը բաղկացած է մի շարք միջազգային կորպորացիաների ղեկավարներից, ինչպիսիք են Siemens-ը, BMW-ն և Mercedes-Benz-ը:

Իսրայելն ավիահարված է հասցրել Լիբանանի Նաբի Շաիթ քաղաքին, հայտնել են լիբանանյան լրատվամիջոցները: Սոցիալական ցանցերում հրապարակված կադրերում երևում է, թե ինչպես է քաղաքի վրա ծուխ բարձրանում։  Նաբի Շաիթը գտնվում է Բաալբեկ քաղաքի շրջակայքում, համարվում է «Հըզբոլլահի» հենակետը, գտնվում է Իսրայելի սահմանից մոտ 100 կմ հեռավորության վրա:

Իսրայելի հայ համայնքում երկրի ուղղությամբ Իրանի լույս ապրիլի 14-ի հարվածի հետևանքով  զոհեր և վիրավորներ չկան,ն «Ֆեյսբուք»-ի իր էջում տեղեկացրել է «Իսրայելահայեր» թերթի հիմնադիր Արտյոմ Չերնոմորյանը։ «Աստծուն փառք, զոհեր ու վիրավորներ մեր համայնքը չունի։ Ապրիլի 13֊14-ի գիշերն Իրանը արձակել էր 185 անօդաչու թռչող սարք, 110 բալիստիկ հրթիռ (երկիր-երկիր) և 36 թևավոր հրթիռ։ Հրթիռների մեծ մասն արձակվել էր Իրանից, […]

Իրանի հրթիռային և անօդաչու գործողություններն Իսրայելի դեմ աննախադեպ էին, հայտարարել է  ԱՄՆ պաշտպանության նախարար Լլոյդ Օսթինը: «Մենք չենք ձգտում Իրանի հետ հակամարտության, բայց չենք վարանի ցանկացած գործողություն ձեռնարկել՝ պաշտպանելու մեր ուժերն ու Իսրայելը»,- ասել է Օսթինը:

Իրանական կողմի նախաձեռնությամբ ապրիլի 13-ին հեռախոսազրույց է տեղի ունեցել ՌԴ և Իրանի ԱԳ նախարարներ Սերգեյ Լավրովի և Հոսեյն Ամիր Աբդոլահիանի միջև, հայտնում է ՌԴ ԱԳՆ-ն։Կողմերը, ըստ հաղորդագրության, քննարկել են իրավիճակը Մերձավոր Արևելքում։ Ռուսական կողմը կրկին խստիվ դատապարտել է Դամասկոսում Իրանի հյուպատոսության գրասենյակի վրա ապրիլի 1-ին Իսրայելի ավիահարվածը։ Ընդգծվել է, որ դիվանագիտական ​​և հյուպատոսական օբյեկտների վրա […]

ԱՄՆ-ն և Մեծ Բրիտանիան արգելել են ալյումինի, պղնձի և նիկելի ներկրումը Ռուսաստանից։ Սահմանափակվում են նաև Ռուսաստանից ալյումինի, պղնձի և նիկելի օգտագործումը մետաղների համաշխարհային բորսաներում:

Ֆինլանդիան ապրիլի 15-ից կփակի ծովային անցակետերը Ռուսաստանի հետ սահմանին: Այս մասին հայտարարել է Ռուսաստանի Դաշնային մաքսային ծառայությունը: Կդադարի նավերի երթևեկությունը Նույամաայով դեպի Սայմենյան ջրանցք, ինչպես նաև Հաապասաարի և Սանտիո ծովային անցակետերով։ Ֆինլանդիայի իշխանությունները նախատեսում են կանխել անօրինական միգրացիան ծովային ճանապարհով: