Շիրակի մարզպետ Մուշեղ Մուրադյանը, Աժ պատգամավոր Կարեն Սարուխանյանը, Գյումրու համայնքապետ Վարդգես Սամսոնյանը, մարզային ու քաղաքային իշխանության ներկայացուցիչներ այցելել են «Շիրակ» գերեզմանատան «Ազատամարտիկների պանթեոն», հարգանքի տուրք մատուցել 2016թ. ապրիլյան քառօրյա և Արցախյան պատերազմներում կյանքը զոհաբերած հերոսների հիշատակին: Այս մասին հայտնում են Շիրակի մարզպետարանից։ Հերոսացած հայորդիների հիշատակին կառուցված հուշակոթողներին ու շիրիմներին ծաղիկներ են խոնարհվել, խունկ ծխեցվել։

Մեքսիկացի սենատորներ Ալեխանդրա դել Կարմել Լեոն Գաստելումը, Սեսիլիա Մարգարիտա Սանես Գարսիան և Ինդիրա Կեմպիս Մարտինեսը ապրիլի 1-ին այցելեցին Հայոց ցեղասպանության հուշահամալիր՝ ՀՀ-ում Մեքսիկայի պատվավոր հյուպատոս Նիկոլայ Կոստանդյանի ուղեկցությամբ: Հյուրերին դիմավորեց և հուշահամալիրի ստեղծման պատմությունը ներկայացրեց Հայոց ցեղասպանության թանգարան-ինստիտուտի տնօրեն Հարություն Մարությանը: Նա անդրադարձ կատարեց նաև Ծիծեռնակաբերդի տարածքում անցյալ դարավերջին Ադրբեջանի Սումգայիթ, Կիրովաբադ (Գանձակ), Բաքու քաղաքներում […]

Հայաստան-Շվեդիա բարեկամական խմբի անդամ, պատգամավոր Լիլիթ Մինասյանի ուղեկցությամբ Շվեդիայի խորհրդարանի Շվեդիա-Հայաստան բարեկամական խմբի ղեկավար Բյորն Սյոդերի գլխավորած պատվիրակությունն ապրիլի 1-ին այցելել է Ծիծեռնակաբերդի հուշահամալիր: Հյուրերը ծաղիկներ են խոնարհել Հայոց ցեղասպանության հիշատակը հավերժացնող անմար կրակի մոտ, լռությամբ հարգել Սուրբ նահատակների հիշատակը: Բարեկամական խմբի անդամները եղել են նաև Ցեղասպանության թանգարան-ինստիտուտում, ծանոթացել Եղեռնի մասին հավաստող վավերագրերին, դիտել ցուցանմուշները: […]

ԱԺ «Հայաստան» խմբակցության պատգամավոր Մհեր Սահակյանի պաշտպան Ռուբեն Մելիքյանը մանրամասներ է ներկայացրել պատգամավորի գործի ընթացքից: «Ի պատասխան բազմաթիվ հարցերի՝ պարզաբանում եմ. 1) Մհեր Սահակյանի նկատմամբ կիրառված ձերբակալման ժամկետը լրանում է վաղը՝ ապրիլի 3-ին, ժամը 12:10-ին։ 2) Մհեր Սահակյանը պահվում է Երևանի ոստիկանության Ձերբակալվածների պահման վայրում (գտնվում է Էրեբունու ոստիկանության մոտակայքում)։ 3) Մհեր Սահակյանին որևէ մեղադրանք […]

Հայաստանի Հանրապետության երրորդ նախագահ, Հայաստանի Հանրապետական կուսակցության նախագահ Սերժ Սարգսյանի անունից այսօր «Եռաբլուր» զինվորական պանթեոնում հարգանքի տուրք է մատուցվել 2016թ. ապրիլյան հաղթական պատերազմի ժամանակ զոհված հերոսների և Արցախյան ազատամարտում իրենց կյանքը զոհաբերած բոլոր հայորդիների հիշատակին: ՀՀ երրորդ նախագահի գրասենյակի հաղորդմամբ, նախագահ Սարգսյանի անունից ծաղկեպսակ է դրվել  զոհված ազատամարտիկների հիշատակը հավերժացնող հուշահամալիրին:

Երևանի մետրոպոլիտենից տեղեկացնում են, որ ժամը 07:00-ից մետրոպոլիտենի երթևեկությունն ամբողջ գծով վերականգնված է։  Գնացքներն աշխատում են գրաֆիկի համաձայն և գնացքների միջև միջակայքը 8,5 րոպե է։ «Շնորհակալություն մետրոպոլիտենի հմուտ աշխատակիցներին այն ժամանակի համար, որ անշահախնդրորեն նվիրում են իրենց աշխատանքին, քանզի հենց իրենք են Մետրոպոլիտենի հաջողությունները կերտողները և ծառացած դժվարությունները հաղթահարողները»,- ասվում է հաղորդագրությունում։

Այսօր Հայ առաքելական եկեղեցին նշում է Ծաղկազարդի տոնը` Տեր Հիսուս Քրիստոսի՝ Երուսաղեմ հաղթական մուտքի հիշատակը:  Տոնի առթիվ բոլոր առաքելական եկեղեցիներում մատուցվում է սուրբ պատարագ։ Ծաղկազարդի օրը Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի տնօրինությամբ հռչակված է որպես մանուկների օրհնության օր։ Այս կապակցությամբ հայկական բոլոր եկեղեցիներում Սուրբ Պատարագի ավարտին կատարվելու է մանուկների օրհնության հատուկ կարգ: Մայր Աթոռ Սուրբ […]