Վթարի է ենթարկվել Թբիլիսի-Բաթումի գնացքը, մահացել են «Վրացական երկաթուղի» ընկերության երկու աշխատակիցներ, հայտնել է «Վրացական երկաթուղու» մամուլի ծառայությունը։ Դիդուբե-Ավճալա խաչմերուկում, ուղևորատար գնացքը բախվել է կառամատույցին: Ընկերության աշխատակիցներն այնտեղ իրականացնում էին պլանային աշխատանքներ։ Ժամանակավորապես դադարեցվել է Բաթումի-Թբիլիսի ուղղությամբ գնացքի երթևեկությունը:

Ադրբեջանի ԱԳՆ խոսնակ Այհան Հաջիզադեն Եվրամիությանը կոչ է արել չքննադատել Ադրբեջանի ընտրությունները. «Ադրբեջանում տեղի ունեցած ընտրությունների վերաբերյալ Պետեր Ստանոյի սուբյեկտիվ և կողմնակալ հայտարարությունները, որոնք կրկնում են ԵԱՀԿ ԺՀՄԻԳ-ի բացասական եզրակացությունները, իրավաչափ չեն։ Ադրբեջանում ընտրություններն անցել են երկրի սահմանադրությանը և օրենքներին լիովին համապատասխան: Մենք կոչ ենք անում ԵՄ պաշտոնյաներին՝ գիտակցել Ադրբեջանի ներքին գործերին միջամտելու անհեռանկարայնությունը և […]

Ադրբեջանի պետական նավթային ընկերությունը (SOCAR) սեպտեմբերի 1-ից սկսել է գազի մատակարարումը Խորվաթիա։ Մատակարարումներն իրականացվում են PPD և MET Group ընկերությունների միջոցով։ Ընդ որում, ընկերությունը չի հստակեցնում Խորվաթիային մատակարարվող ադրբեջանական գազի ծավալները: SOCAR-ում նշում են, որ Թուրքիայի, Վրաստանի, Իտալիայի, Հունաստանի, Բուլղարիայի, Ռումինիայի, Հունգարիայի, Սերբիայի և Սլովենիայի հետ միասին Խորվաթիան դարձել է ադրբեջանական գազ ստացող տասներորդ երկիրը:

Թուրքիայի և Ադրբեջանի նախագահներ Ռեջեփ Թայիփ Էրդողանը և Իլհամ Ալիևը հեռախոսազրույց են ունեցել։ Թուրքիայի ղեկավարը շնորհավորել է Ադրբեջանի նախագահին՝ Ադրբեջանի խորհրդարանական ընտրություններում «Ենի Ադրբեջան» կուսակցության վստահ հաղթանակի կապակցությամբ։ Զրույցի ընթացքում մտքերի փոխանակություն է տեղի ունեցել Ադրբեջանի և Թուրքիայի միջև եղբայրական և ռազմավարական դաշնակցային հարաբերությունների հեռանկարների շուրջ։

Ադրբեջանը ձեռնարկում է անհրաժեշտ քայլեր՝ իր բանակը թուրքական մոդելին համապատասխանեցնելու համար՝ հայտարարել է Ադրբեջանի պաշտպանության նախարար Զաքիր Հասանովը Բաքվում Թուրքիայի ազգային տոնի կապակցությամբ կազմակերպված միջոցառման ժամանակ: Նա նշել է, որ Ադրբեջանի և Թուրքիայի համատեղ գործունեությունը ծառայում է տարածաշրջանում խաղաղության և կայունության պաշտպանությանը։ Հասանովն ընդգծել է, որ 44-օրյա պատերազմի ընթացքում Ադրբեջանը լիովին զգացել է եղբայրական Թուրքիայի […]

Տեղի է ունեցել Ադրբեջանի և Թուրքիայի պաշտպանության նախարարների հեռախոսազրույցը։ Զաքիր Հասանովը շնորհավորել է գործընկերոջը Թուրքիայի զինված ուժերի օրվա կապակցությամբ: Հեռախոսազրույցի ընթացքում քննարկվել են նաև երկկողմ համագործակցության զարգացման հեռանկարները, տարածաշրջանային անվտանգության և փոխադարձ հետաքրքրություն ներկայացնող մի շարք այլ հարցեր:

Ադրբեջանի արտաքին գործերի նախարար Ջեյհուն Բայրամովն աշխատանքային այցով մեկնել է Թուրքիա: Ադրբեջանի ԱԳՆ տվյալով՝ այցի շրջանակում նախատեսված է Բայրամովի հանդիպումը Թուրքիայի արտաքին գործերի նախարար Հաքան Ֆիդանի հետ: Թուրքական լրատվամիջոցները հայտնել են որ հանդիպմանը կքննարկվեն Թուրքիա-Ադրբեջան երկկողմ հարաբերությունները, Հայաստան-Ադրբեջան խաղաղության գործընթացը և Հայաստան-Թուրքիա կարգավորումը։ Նշվում է նաև, որ անդրադարձ կկատարվի տարածաշրջանային այլ հարցերի, Մերձավոր Արևելքում ստեղծված […]