ՌԴ նախագահի խոսնակ Դմիտրի Պեսկովը Դոնալդ Թրամփին անվանել է ԱՄՆ եզակի նախագահ՝ հաշվի առնելով նրա ընտրությունների արդյունքներն ու իշխանության կայունությունը։ «Բայց Պուտինը ոչ պակաս եզակի նախագահ է, քան Թրամփը՝ բնակչության աննախադեպ աջակցությամբ»,- ընդգծել է Պեսկովը լրագրող Զարուբինին տված հարցազրույցում։ Կրեմլի ներկայացուցիչը նշել է, որ Ռուսաստանի Դաշնության և Միացյալ Նահանգների ղեկավարների շփումը երկխոսություն է երկու ականավոր […]

Իսրայելը չեղարկել է ավելի քան 600 պաղեստինցի բանտարկյալների ազատ արձակումը։ Այս մասին հայտարարել է Իսրայելի վարչապետ Բենիամին Նեթանյահուն։ Նա ասել է, որ պատճառն այն է, որ ՀԱՄԱՍ-ն օգտագործում է իսրայելցի պատանդներին «նվաստացուցիչ արարողություններում քարոզչական նպատակներով»: Նեթանյահուն պահանջում է երաշխավորել, որ ՀԱՄԱՍ-ը կդադարեցնի հանդիսավոր արարողությունները, երբ պատանդները հավաքվում են ամբոխի առջև, նախքան ազատ արձակվելը։

Վարչապետ Նիկոլ Փաշինյանը շնորհավորական ուղերձ է հղել Ճապոնիայի վարչապետ Շիգերու Իշիբային ազգային տոնի՝ Կայսեր ծննդյան օրվա առթիվ: Ուղերձում նշված է. «Ջերմորեն շնորհավորում եմ Ձեզ Ճապոնիայի ազգային տոնի՝ Կայսեր ծննդյան օրվա առթիվ և հղում իմ լավագույն բարեմաղթանքները: Բարձր գնահատելով Ճապոնիայի ներդրումը ժողովրդավարական արժեքների և կանոնների վրա հիմնված աշխարհակարգի ամրապնդման գործում՝ հավատացած եմ, որ փոխվստահությամբ և միմյանց […]

Ռուսաստանի արտգործնախարարության պաշտոնական ներկայացուցիչ Մարիա Զախարովան, օգտագործելով ՏԱՍՍ պետական գործակալության հնարավորությունները, համերկրացիներին շնորհավորել է Հայրենիքի պաշտպանի օրվա կապակցությամբ: Նրա գնահատմամբ՝ այս տարի տոնակատարությունն առանձնահատուկ իմաստ ունի, քանի որ լրանում է ֆաշիզմի դեմ հաղթանակի 80-ամյակը եւ ռուսաստանցիները տեսնում են, որ «այն ժամանակ, այո, հաղթանակը նվաճվել է, բայց թշնամին լիովին չի ոչնչացվել»: «Եւ ահա այսօր մեր տղաներն […]

«Կանաչապատում և շրջակա միջավայրի պահպանություն» ՀՈԱԿ-ից հայտնում են․ Հանգստյան օրերին ևս կազմակերպության աշխատակիցները քաղաքացիների անվտանգության և հարմար տեղաշարժի համար վաղ առավոտից լծվել են աշխատանքի: Երևանի բոլոր վարչական շրջանների այգիներում, պուրակներում, ստորգետնյա և վերգետնյա անցումների աստիճաններին իրականացնում են ձնամաքրման աշխատանքներ:

Գերմանիայում մեկնարկել են Բունդեսթագի արտահերթ ընտրությունները։ Գերմանիայի քաղաքացիները կքվեարկեն կոնկրետ թեկնածուի և մի կուսակցության օգտին: Դաշնային ընտրական հանձնաժողովի կողմից պաշտոնապես ճանաչված 41 կուսակցություններից ընտրություններին մասնակցում են 29-ը։ Գերմանիայի կանցլերը կընտրվի կոալիցիոն բանակցություններից հետո։

Դատարանը սահմանափակել է Էդգար Ղազարյանի խոսքը՝ կիրառելով վարչական վերահսկողություն: Այս մասին դատական նսիտից հետո լրագրողների հետ զրույցում հայտնել է փաստաբան Ռուբեն Մելիքյանը: Նա իրավունք չունի մինչև գործի ավարտը հրապարակային կարծիք հայտնել դատավորների, քննիչների, դատախազների, փաստաբանների, հարկադիր կատարողների նկատմամբ: