Թայլանդի Պատտայա քաղաքում ավարտվեց ծանրամարտի աշխարհի առաջնությունը։ Ստուգատեսի վերջին օրը պայքարի մեջ մտան գերծանր քաշային տղամարդիկ։ Հայաստանն այս քաշային կարգում ներկայացնում էին Գոռ Մինասյանը և Ռուբեն Ալեքսանյանը։ Մինասյանը նվաճեց աշխարհի առաջնության արծաթե մեդալ, Ալեքսանյանը՝ բրոնզե մեդալ։
Գոռը, պոկելով 212 կգ և հրելով 248 կգ, երկամարտի 460 կգ արդյունքով նվաճեց արծաթե մեդալ։
Ռուբենը, պոկելով 192 կգ և հրելով 245կգ, երկամարտում գրանցեց 437 կգ արդյունքով նվաճեց բրոնզե մեդալ։
Այս քաշային կարգում 484 կգ արդյունքով հաղթող դարձավ Վրաստանի ներկայացուցիչ Լաշա Տալախաձեն, ով նաև աշխարհի ռեկորդ սահմանեց։