95 տարեկան հասակում կյանքից հեռացել է ՀՀ ժողովրդական արտիստ, հայ անվանի դերասան, ռեժիսոր, սցենարիստ, Երևանի պատվավոր քաղաքացի Երվանդ Մանարյանը:
Ստեղծագործական գործունեության ընթացքում Երվանդ Մանարյանը նկարահանել է վավերագրական և գեղարվեստական մի շարք ֆիլմեր, ինչպես՝ «Հայկական մանրանկարչություն», «Միքայել Նալբանդյան», «Կառամատույցի կրպակը», «Լույս», «Դեղերի ծնունդը», «Նորից եկավ ամառը» և այլն։
Գրել է սցենարներ «Տժվժիկ», «Տերն ու ծառան», «Սպիտակ ափեր» և այլ ֆիլմերի համար։ Մամուլում հրատարակել է պատմվածքներ և հոդվածներ:
Թիվ1-ը իր խորին ցավակցությունն է հայտնում Երվանդ Մանարյանի ընտանիքին, բոլոր հարազատներին, ընկերներին, նրա արվեստի երկրպագուներին և ամբողջ հայ ազգին:
