«Շուշին մերն է, չի ընկնելու»,- հայտարարեց Արծրուն Հովհաննիսյանը։
Վերջինիս խոսքով՝ Հայոց պատմության մեջ այս անցնող օրերը կմտնեն որպես Շուշիի պաշտպանության փայլուն օրեր։ Հակառակորդի հետախուզա-դիվերսիոն, առանձին վաշտային մարտավարական խմբերի, վարձկանների, հրոսակախմբերի ոչնչացման գյոռբագյոռ ռազմագործողությունը հերոսաբար շարունակվում է։
Այսօր մեր հրետանին, մեր հետևակը, մեր այլ ստորաբաժանումներ ուղղակի հրաշքներ են գործել։ Թշնամու զորքերից, վարձկաններից և մնացած թափթփուկներից Շուշի տանող ձորակներում տասնյակ, նույնիսկ հարյուրավոր դիակներ են մնացել։
Այս պահին էլ մարտերը ընթանում են, բայց ուժգնությունը զգալիորեն թուլացել է։
Թշնամական ուժերին հերոսաբար ջախջախել են նաև քարինտակցիները։
Ավելի հարավ, ավելի արևելք, այլ ուղղություններով Շուշի ձգտող հրոսակախմբերին ևս ջախջախել են այլ գյուղերի բնակիչներ։
«Հայկական հրետանին այսօր պարտության մատնեց հառակորդի հրետանուն»,- ասաց Հովհաննիսյանը՝ նշելով, որ «իրավիճակն այլևս փոխված է»։
Քրիստինե Հովսեփյան
