Իրանագետ Վարդան Ոսկանյանը գրում է. «Բաքվի բարբարոսական վարչախումբն աշխարհաքաղաքական այս փուլում բախվել է լրջագույն խնդիրների դրան սատարող Թուրքիայում և Իսրայելում ճգնաժամերի հետևանքով։ Եթե Թուրքիայում տեղի ունեցած աղետալի երկրաշարժը ցույց տվեց, որ «թուրանական առաջնորդության» ձգտող էրդողանական վարչախումբը չի կարող արդյունավետ կառավարել նույնիսկ իր նահանգներում ի հայտ եկող ճգնաժամերը, ապա Նեթանյահուի կառավարությունը բախվել է ներքաղաքական խոշոր խնդիրների, […]

Երկրի մասին գիտությունների ինստիտուտի և Սեյսմիկ մոնիտորինգի ազգային կենտրոնի տեղեկատվության համաձայն՝ այսօր՝ փետրվարի 12-ին, Թբիլիսիի ժամանակով 12:07-ին, Օզուրգեթիի մունիցիպալիտետի Գոմի գյուղի մոտակայքում տեղի է ունեցել 4,6 մագնիտուդով (ML) երկրաշարժ: Ստորգետնյա ցնցումներ զգացվել են նաև Սամցխե-Ջավախքում: Ավելի վաղ, փետրվարի 11-ին ևս մեկ երկրաշարժ էր տեղի ունեցել նույն Օզրուգեթիում։

ԵՄ հատուկ ներկայացուցիչ Տոյվո Կլաարը բարձր է գնահատել Հայաստանի օգնությունը երկրաշարժից տուժած Թուրքիային։ «Թուրքիայում նման մեծ ողբերգության հարցում հուզիչ է տեսնել իր հարևան Հայաստանի աջակցությունը և դրա շուրջ դրական արձագանքը»,- գրել է Կլաարը իր Թվիթերում։ Հիշեցնենք, որ Հայաստանը երկրաշարժից հետո առաջին իսկ օրը փրկարարական ջոկատ ուղարկեց Թուրքիա, իսկ արդեն երեկ՝ 30 տոննա հումանիտար օգնություն։

Հայաստանից Թուրքիայի աղետի գոտի մեկնած հայ փրկարարները թուրք փրկարարների հետ Ադըյաման քաղաքում կարողացել են փլատակներից ողջ դուրս բերել 8-ամյա աղջկա։ Այս մասին հայտնել է Թուրքիայի մեջլիսի հայ պատգամավոր Գարո Փայլանը։ «Հայաստանի փրկարար խումբը Թուրքիայի աղետների և արտակարգ իրավիճակների կառավարման վարչության խմբի հետ Ադըյամանում ութամյա աղջկա են փրկել։ Զորակցությունը կյանք է»,- գրել է Փայլանը։ Հավելենք, որ […]

Հայաստանից ուղարկված օգնությունը հասել է Թուրքիա, դատարկվել ու տեղավորվել է պահեստում։ Հիշեցնենք, որ Հայաստանը մարդասիրական օգնություն էր ուղարկել Թուրքիա, երկրաշարժից տուժած շրջաններին օգնություն տրամադրելու համար։ Բեռնատարները Թուրքիայի տարածք անցել են երկու երկրների միջև գտնվող Մարգարա կամրջով, որը 1993 թվականից ի վեր՝ շուրջ 30 տարի, չէր օգտագործվել։

Թուրքիայում գործող ընդդիմադիր քրդամետ «Ժողովուրդների դեմոկրատական» կուսակցության (ԺԴԿ-HDP) նախկին համանախագահ, այժմ Էդիրնեի բանտում գտնվող Սելահաթթին Դեմիրթաշը սոցցանցում շարունակում է անդրադառնալ ավերիչ երկրաշարժի թեմային: Ընդդիմադիր գործիչը Թուրքիայի նախագահ Ռեջեփ Թայիփ Էրդողանին հասցեագրված քննադատական գրառումներ է անում Twitter-ում, փոխանցում է Ermenihaber-ը։ «Երկրի ողջ իշխանությունը քո ձեռքում է, աշխարհի օգնությունն ենք ստանում, բայց քեզ անցնելով չենք կարողանում հասնել […]

Թուրքիայում երկրաշարժերի զոհերի թիվը հասել է 24617-ի։ Այս մասին կիրակի օրը թուրքական հեռուստատեսությամբ հայտնել է այդ երկրի փոխնախագահ Ֆուաթ Օքթայը։ Բնաղետի հետևանքով տուժել է ավելի քան 80 հազար քաղաքացի։ Հիշեցնենք, որ Հայաստանը մարդասիրական օգնություն և փրկարարներ է ուղարկել Թուրքիա, ինչպես նաև Սիրիա։ Երկու երկրներում տեղի ունեցած աղետալի երկրաշարժի հետևանքով զոհվածների թվում կան նաև հայեր։