Թուրքիան հրաժարվել է Կիպրոսի Հանրապետության փրկարարների օգնությունից՝ փետրվարի 6-ին տեղի ունեցած ողբերգական երկրաշարժից հետո։ Այս մասին հայտարարել է Կիպրոսի Հանրապետության ԱԳՆ քարտուղար Կոռնելիուս Կոռնելիուն։ Նրա խոսքով, Կիպրոսի Հանրապետությունը պատրաստակամություն է հայտնել մասնակցել փրկարարական աշխատանքներին՝ Թուրքիայում տեղի ունեցած աղետալի երկրաշարժից հետո, սակայն թուրքական կողմը չի ընդունել այդ օգնությունը։

Հայաստանի ներքին գործերի նախարարությունից «Լուրերին» տեղեկացրել են, որ որոնողափրկարարական աշխատանքներին մասնակցելու համար Հայաստանից Սիրիա է մեկնել 29, Թուրքիա՝ 27 փրկարար: Հիշեցնենք՝ զոհերի թիվը, ըստ AFP գործակալության տվյալների, գերազանցել է 8000-ը, Թուրքիայում, ըստ այդ երկրի արտակարգ իրավիճաների վարչության, հաստատվել է 6234 զոհ, 37011-ը վիրավորվել են: Սիրիայում, ըստ Al Arabiya-ի, զոհվել է 2470 մարդ, վիրավորվել 3894-ը։

Խաղաղության պայմանագրի վերաբերկալ առաջարկները, որոնց մասին նախօրեին հայտարարել է Հայաստանի արտգործնախարար Արարատ Միրզոյանը, Ադրբեջանը ներկայացրել է ոչ թե «օրերս», այլ 15 օր առաջ։  Այս մասին ասել է Ադրբեջանի ԱԳՆ մամուլի ծառայության ղեկավար Այհան Հաջիզադեն՝ մեկնաբանելով փետրվարի 7-ին Հայաստանի ԱԳ նախարար Արարատ Միրզոյանի հայտարարությունները, ըստ որի՝ Ադրբեջանը խոչընդոտում է բանակցային գործընթացին, իսկ Հայաստանը ջանքեր է գործադրում […]

Հայաստանը փրկարարական ջոկատներ է ուղարկել Սիրիա և Թուրքիա: Փաշինյանը հեռախոսազրույցներ է ունեցել Էրդողանի ու Ասադի հետ: Այս մասին ֆեյսբուքի իր էջում գրել է «Դեմոկրատական այլընտրանք» կուսակցության քաղաքական խորհրդի նախագահ Սուրեն Սուրենյանցը․ «Սրանք, թերևս, կառավարման հինգ տարիներին Փաշինյանի արած բացառիկ ճիշտ քայլերն են»։

Թուրքիայի կենտրոնական հատվածում՝ Քահրամանմարաշից 6 կմ հեռավորության վրա 4.3 մագնիտուդ ուժգնությամբ նոր երկրաշարժ է գրանցվել: Երկրաշարժը զգացվել է նաև Հալեպում:

Երկրաշարժից հետո Թուրքիայի Հաթայ բնակավայրի Իսկենդերուն թաղամասում ծովի մակարդակը բարձրացել է: Ջուրը հեղեղել է փողոցները: Այս մասին հաղորդում է Sputnik-ի թուրքական ծառայությունը: Նշվում է, որ ջուրը հասել է մեքենաների անվադողերի մակարդակին:

Վարչապետը ցավակցություն ու զորակցություն է հայտնել Թուրքիայի նախագահին և ժողովրդին՝ երկրի հարավարևելյան շրջաններում տեղի ունեցած հուժկու երկրաշարժի հետևանքով բազմաթիվ զոհերի կապակցությամբ: Նիկոլ Փաշինյանը շուտափույթ ապաքինում է մաղթել բոլոր վիրավորներին և հավելել, որ Երևանի «Զվարթնոց» օդանավակայանից թռիչքի է պատրաստվում Հայաստանի Հանրապետության փրկարարական ուժերին աղետի գոտի տեղափոխող ինքնաթիռը: Ռեջեփ Թայիփ Էրդողանը ՀՀ վարչապետին շնորհակալություն է հայտնել զորակցության […]