Օլիմպիական կրակն արդեն Փարիզում է։ Առաջինը մայրաքաղաքում վազեց Ֆրանսիայի ֆուտբոլի օլիմպիական հավաքականի գլխավոր մարզիչ Թիերի Անրին: Օլիմպիական խաղերը Ֆրանսիայի մայրաքաղաքում կանցկացվեն 2024 թվականի հուլիսի 26-ից օգոստոսի 11-ը։

Բռնցքամարտիկ Դավիթ Չալոյանը կլինի Հայաստանի հավաքականի դրոշակակիրը Փարիզում հուլիսի 26-ից օգոստոսի 11-ը կայանալիք Օլիմպիական խաղերում: ՕԽ բացման հանդիսավոր արարողությունը կկայանա հուլիսի 26-ին: Հիշեցնենք՝ Հայաստանն Օլիմպիական խաղերում կունենա 15 ներկայացուցիչ: Գերծանր քաշային բռնցքամարտիկ Դավիթ Չալոյանը կարիերայում առաջին անգամ կմասնակցի ՕԽ խաղերին:

Ավստրալուհի Ջեսիկա Հալը համաշխարհային ռեկորդ է սահմանել կանանց 2000 մետր վազքում: Մոնակոյում ընթացող «Ադամանդե լիգայի» հերթական փուլում Ջեսիկան մրցատարածությունը հաղթահարել է 5 րոպե 19,70 վայրկյանում։ Նախորդ ռեկորդը պատկանում էր Բուրունդին ներկայացնող վազորդ Ֆրանսին Նիյոնսաբային, որը 2021 թվականի սեպտեմբերին 2000 մետր մրցատարածությունն անցել էր 5 րոպե 21,56 վայրկյանում:

Գրոսմայստեր Հայկ Մարտիրոսյանը Biel Chess Festival 2024 միջազգային մրցաշարի շրջանակներում անցկացված արագ շախմատի մրցաշարում զբաղեցրել է առաջին հորիզոնականը։ Լավագույն եռյակը ունեցավ հետևյալ տեսքը՝ 1-ին տեղ՝ Հայկ Մարտիրոսյան 2-րդ տեղ՝ Ռամեշբաբու Պրագնանանդհա 3-րդ տեղ՝ Վինսենթ Կայմեր:

Բեռլինի «Օլիմպիաշտադիոնում» տեղի ունեցավ Եվրոպայի առաջնության եզրափակիչ փուլի Իսպանիա-Անգլիա դիմակայությունը։ Առաջին խաղակեսում թիմերը չափազանց զգույշ էին գործում, դիտարժանությունը ցածր էր, հարվածները գրեթե բացակայում էին, ինչն էլ արտացոլվեց առաջին կեսի հաշվի վրա՝ 0։0։ Ընդմիջումից հետո Իսպանիայի հավաքականն ասես վերափոխված լիներ․ հենց մեկնարկից տիրեց նախաձեռնությանը և արդեն 47-րդ րոպեին բացեց հաշիվը։ Գոլն իր ակտիվում գրանցեց Նիկո Ուիլյամսը։ […]

Ռուսաստանում կայացած Ասիական 8-րդ խաղերում Հայաստանը մեդալ է նվաճել: Բռնցքամարտիկ Մանվել Ղազարյանը (80 կգ) դարձել է բրոնզե մեդալակիր: Այս մասին հաղորդում է Հայաստանի բռնցքամարտի ֆեդերացիան:

Գերմանիայի ԱԳՆ-ն Թուրքիայի դեսպանին կանչել է նախարարություն՝ թուրք ֆուտբոլիստ Մերիհ Դեմիրալի ազգայնական ժեստի (Գերմանիայում արգելված «Գորշ գայլերի») պատճառով, որը նա ցուցադրել է Եվրոպայի առաջնությունում Ավստրիայի հավաքականին խփած գոլից հետո։ Այդ մասին հայտնում է Der Spiegel ամսագիրը՝ հղում անելով Գերմանիայի ԱԳՆ ներկայացուցչին։ Թուրքիայի ԱԳ նախարարությունը հայտարարել է «ՈւԵՖԱ-ի (Եվրոպական ֆուտբոլային ասոցիացիաների միություն) կողմից այս հետաքննության անթույլատրելիության» […]