Սպորտային մարմնամարզության Հայաստանի հավաքականի առաջատար Արթուր Դավթյանը ոսկե մեդալ է նվաճել Կահիրեում ավարտին մոտեցող աշխարհի գավաթի փուլում: Դավթյանը հավասարը չի ունեցել հենացատկի վարժությունում: Հիշեցնենք՝ ավելի վաղ Կահիրեի գավաթի փուլի օղակների վարժությունում արծաթե մեդալ էր նվաճել Վահագն Դավթյանը: Աշխարհի գավաթի փուլերը վարկանիշային են Փարիզի 33-րդ ամառային Օլիմպիական խաղերի համար:

Ադելիա Պետրոսյանը դարձել է գեղասահքի Ռուսաստանի չեմպիոն՝ հաղթելով Մագնիտոգորսկում ընթացող ուժեղագույնների սպարտակիադայում: Գեղասահքի սպարտակիադայում երկրորդ տեղը զբաղեցրել է Աննա Ֆրոլովան, երրորդը` Քսենյա Սինիցինան։

Հայաստանի ծանրամարտի կանանց և տղամարդկանց թիմերը շարունակում են պայքարը Բուլղարիայի մայրաքաղաք Սոֆիայում ընթացող Եվրոպայի առաջնությունում: Մրցումային 7-րդ օրը Հայաստանն ունի երեք ներկայացուցիչ: Հայաստանի կանանց ծանրամարտի հավաքականի անդամ Լիանա Գյուրջյանը կմրցի 81 կգ քաշում: Մրցումը կմեկնարկի Երևանի ժամանակով 19:00-ին: Տղամարդկանց թիմից մրցահարթակ դուրս կգան 96 կգ քաշային Հակոբ Մկրտչյանը և Դավիթ Հովհաննիսյանը: Մրցման մեկնարկը` 22:00-ին:

70 կգ քաշային Արման Անդրեասյանը 8։5 հաշվով հաղթել է հունգարացի ըմբիշ Իսմայիլ Մուսուկաևին և դուրս եկել Եվրոպայի առաջնության եզրափակիչ։

57 կգ քաշային Արսեն Հարությունյանը ազատ ոճի ըմբշամարտի Եվրոպայի առաջնության եզրափակչում է։ Կիսաեզրափակչում նա 1 րոպե 28 վայրկյանում 10։0 հաշվով հաղթել է ադրբեջանցի Իսլամ Բազարխանովին։ Եզրափակչում Արսենի մրցակիցը կլինի թուրք ըմբիշ Մուհամեդ Քարավուսը։

«Արմենպրես»-ի հաղորդմամբ` 97 կգ քաշում Օլիմպիական խաղերի չեմպիոն Արթուր Ալեքսանյանը հաջորդաբար հաղթեց Թուրքիան և Նիդերլանդները ներկայացնող մարզիկներին` համապատասխանաբար 9:1 և 8:3 հաշվով: Արթուր Ալեքսանյանը դուրս եկավ Եվրոպայի առաջնության կիսաեզրափակիչ: Պայքարի մեջ են մտել նաև Հայաստանի հավաքականի մյուս ներկայացուցիչները։  60 կգ քաշային Գևորգ Ղարիբյանը մեկնարկային գոտեմարտում 9:0 հաշվով հաղթեց հույն Իլիաս Զաիրակիսին: 67 կգ քաշում Սլավիկ Գալստյանը […]

Օլիմպիական չեմպիոն Արթուր Ալեքսանյանը հաղթանակով է մեկնարկել Ռումինիայի մայրաքաղաք Բուխարեստում ընթացող հունահռոմեական ոճի ըմբշամարտի Եվրոպայի առաջնությունում: Մինչև 97 կգ քաշային կարգում հանդես եկող 32-ամյա մարզիկը 1/8 եզրափակիչում 9:1 հաշվով հաղթել է թուրք ըմբիշ Բեյթուլահ Քայիսդաղին: Քառորդ եզրափակիչում Ալեքսանյանի մրցակիցն է լինելու նիդեռլանդցի Տյուրոն Ստերկենբուրգը: Արթուր Ալեքսանյանն իր քաշային կարգում Եվրոպայի գործող չեմպիոնն է: