ԼՂ-ից տեղահանված 60-ից ավելի մասնագետ արդեն աշխատում է բուժկենտրոններում

Առողջապահության նախարար Անահիտ Ավանեսյանը մասնակցել է «Ապրի Արմենիա» հիմնադրամի կազմակերպած «Առաջընթաց` անորոշության պայմաններում» խորագրով ֆորումին:

Նախարարը ներկայացրել է առողջապահական համակարգի ներկա վիճակը, մարտահրավերները, ԼՂ-ից բռնի տեղահանված մեր հայրենակիցների բուժօգնության կազմակերպման ընթացքը, աճող կարիքներին համապատասխան պետական մոտեցումը.

«45 հազարից ավելի տեղահանված հայրենակից է գրանցվել առողջության առաջնային պահպանման օղակում, ինչը նախապայման է պետական պատվերի շրջանակներում անվճար բժշկական օգնություն և սպասարկում ստանալու համար:

Միաժամանակ, մոբիլ թիմերի միջոցով կազմակերպվել են բժշկական խորհրդատվություններ, հետազոտություններ քրոնիկ հիվանդություններն ախտորոշելու համար` հետագա շարունակական հսկողությունը և դեղերի տրամադրումը ապահովելու նպատակով»։

Անահիտ Ավանեսյանն անդրադարձել է նաև տեղահանված բուժաշխատողների հավաստագրման և աշխատանքի տեղավորման հարցերին` նշելով, որ 60-ից ավելի մասնագետ արդեն իսկ աշխատում է հանրապետության տարբեր բուժհաստատություններում:

Նախարարը պատասխանել է ոլորտի վերաբերյալ հետաքրքրություն ներկայացնող այլ հարցերի:

Թիվ 1