Այս պահի դրությամբ ԼՂ-ից բռնի տեղահանված 100․483 անձ արդեն Հայաստանում է։ Այս մասին այսօր մամուլի ասուլիսի ժամանակ հայտարարել է Հայաստանի վարչապետի մամուլի քարտուղար Նազելի Բաղդասարյանը։ Հակարիի կամուրջը հատել է 21․079 տրանսպորտային միջոց։ Հաշվառում է անցել 84․408 անձ։

Ըստ Radar Armenia -ի տեղեկությունների` Ռուբեն Վարդանյանը ԼՂ-ից Հայաստան էր տեղափոխվում Դավիթ Մանուկյանի հետ միասին, վերջինիս ավտոմեքենայով։ Ադրբեջանը նրանց ձերբակալել է միաժամանակ Լաչինի միջանցքով անցնելիս։ Հիշեցնենք, որ Ադրբեջանի ԱԱԾ-ն հայտնել է, որ ձերբակալել է ԼՂ ՊԲ հրամանատարի նախկին առաջին տեղակալ, գեներալ Դավիթ Մանուկյանին։

Լեմկինի անվան ցեղասպանության կանխարգելման ինստիտուտը մոլորություն է անվանել ԱՄՆ-ի այն համոզմունքը, թե Ադրբեջանի նախագահի վարչակազմը կարող է բարեխիղճ բանակցություններ վարել։ «Արմենպրես»-ի փոխանցմամբ՝ ինստիտուտը նաև աշխարհի առաջնորդներին է մեղադրել ԼՂ-ում ցեղասպանությանը մեղսակցության մեջ։ «Ցույց տալով, որ ոչինչ չի սովորել Արցախի հայերի նկատմամբ Ադրբեջանի կողմից ներկայում իրականացվող ցեղասպանությունից՝ Միացյալ Նահանգները շարունակում է օժանդակել հանցագործին իր անխոհեմ, կեղծ […]

Արդարադատության նախարարությունն աշխատանքի է հրավիրում Արցախից բռնի տեղահանված մեր հայրենակիցներին՝ Նախարարությունում և ենթակա մարմիններում: Աշխատատեղեր առկա են ինչպես Երևան քաղաքում, այնպես էլ՝ գրեթե բոլոր մարզերում: Թափուր հաստիքների վերաբերյալ տեղեկատվությանը կից ներկայացված են նաև աշխատավարձերի չափերն ու այլ կարևոր տեղեկություններ: Թափուր հաստիքների վերաբերյալ ամբողջական տեղեկատվությանը ծանոթանալու համար սեղմեք ԱՅՍՏԵՂ։

Ադրբեջանի սահմանապահ ծառայությունը հայտարարել է, որ ձերբակալել է ԼՂ ՊԲ նախկին հրամանատար Լևոն Մնացականյանին։ Ըստ տեղեկությունների՝ Մնացականյանը ձերբակալվել է Լաչինի անցակետի մոտ և տեղափոխվել է Բաքու։

Վայոց ձորի, Սյունիքի մարզերում ԼՂ մեր հայրենակիցների առաջնային կարիքների գնահատմանը զուգահեռ ջանքերն առավել կենտրոնացվել են խոցելի խմբերին ծառայություններ տրամադրելուն,– հայտարարել է ՀՀ աշխատանքի և սոցիալական հարցերի նախարար Նարեկ Մկրտչյանը:  Ըստ նրա, խոսքը միայնակ տարեցներին, հաշմանդամություն ունեցող անձանց, առանց ծնողական խնամքի մնացած երեխաներին համապատասխան խնամքի հաստատություններում տեղավորելու ուղղությամբ աշխատանքներին է վերաբերում: Մկրտչյանը նաև հայտնել է. «Ավելի […]

Ադրբեջանի ԱԱԾ-ն հայտնել է, որ ձերբակալել է ԼՂ ՊԲ հրամանատարի նախկին առաջին տեղակալ, գեներալ Դավիթ Մանուկյանին։ Գեներալ-մայոր Դավիթ Մանուկյանը ձերբակալվել է սեպտեմբերի 27-ին։ Ադրբեջանը նրան առաջադրել է «ահաբեկչական գործողությունների» մեղադրանք։