Լեռնային Ղարաբաղի էթնիկ հայերը կմեկնեն Հայաստան, քանի որ չեն ցանկանում ապրել Ադրբեջանի կազմում և վախենում են էթնիկ զտումներից: Reuters-ին ասել է Արցախի նախագահի խորհրդական Դավիթ Բաբայանը: «Մեր ժողովուրդը չի ուզում ապրել Ադրբեջանի կազմում, 99,9%-ը նախընտրում է լքել մեր պատմական հողերը»,- նշել է Բաբայանը։ Նա ասել է, որ պարզ չէ, թե 120 հազար արցախցիները երբ կտեղափոխվեն […]

Ժամը 18:00-ի դրությամբ Լեռնային Ղարաբաղից Հայաստան մուտք է գործել 377 բռնի տեղահանված քաղաքացի։ Նրանցից 216-ի վերաբերյալ հաշվառման տվյալներն ամփոփված են, իսկ 161-ի կարիքները շարունակում են նույնականացվել: Այս մասին տեղեկացնում է ՀՀ կառավարությունը։ 216 հաշվառվածներից 118-ը ցանկացել են մեկնել իրենց կողմից որոշված կեցության վայրեր, իսկ 98-ը ներկայումս ապահովվում են կառավարության հատկացրած կեցավայրով: Աջակցության կարիքների նպատակով հաշվառումը […]

Արցախի տեղեկատվական շտաբը հայտնում է. Հարգելի՛ հայրենակիցներ, Նախագահ Սամվել Շահրամանյանը սեպտեմբերի 24-ին հանդիպել է վերջին ռազմական գործողությունների հետևանքով տարհանված, անօթևան մնացած և Իվանյանում ռուս խաղաղապահների մշտական տեղակայման վայրի հարևանությամբ հանգրվանած քաղաքացիների հետ: Ծանր կացության մեջ հայտնված քաղաքացիները ցանկություն են հայտնել տեղափոխվել ՀՀ-ում գտնվող իրենց հարազատների մոտ: Ձեռք բերված պայմանավորվածության արդյունքում ընդունվել է որոշում, համաձայն որի […]

«Մենք լրիվ շրջափակման մեջ էինք՝ առանց զենք ու բանակ։ Մարտակերտի բնակիչներին հանել են։ Ասել են՝ գնում ենք։ Մնացածը՝ չգիտեմ։ Շուտով Ստեփանակերտում կլինենք»,- այս մասին Radar Armenia-ի հետ զրույցում պատմեց Մարտակերտի բնակիչներից մեկը։

Որոշում է կայացվել Լեռնային Ղարաբաղի ժողովրդի համար նախատեսված ՀՀ կառավարության հումանիտար բեռը տեղափոխել Գորիս, որտեղից էլ հնարավոր կլինի կազմակերպել հումանիտար բեռի տեղափոխությունը Լեռնային Ղարաբաղ ԿԽՄԿ-ի և ռուս խաղաղապահ զորախմբի միջոցով։ Այս մասին «Լուրերին» տեղեկացրել են ԼՂ-ում հումանիտար ճգնաժամի կառավարման աշխատանքային խմբից:

Ադրբեջանի ՆԳՆ-ն հայտնել է, որ սեպտեմբերի 20-ին ձեռք բերված պայմանավորվածությամբ ավտոբուսներով ու անձնական տրանսպորտային միջոցներով կապահովվի զինաթափված և զորացրված զինված ուժերի անձնակազմի ելքը Ղարաբաղից՝ Լաչինով։

Ադրբեջանի ներքին գործերի նախարարությունը հայտարարություն է տարածել Արցախից զինվորական անձնակազմի դուրսբերման վերաբերյալ։ Նշվում է, որ սեպտեմբերի 20-ին ձեռք բերված պայմանավորվածության համաձայն՝ զինված ուժերի զինաթափված և զորացրված անձնակազմին հասանելիություն կտրամադրվի Արցախից Լաչինի միջանցքի և Վարդենիսի ուղղությամբ՝ Քարվաճառով։ Կօգտագործվեն ավտոբուսներ և անձնական տրանսպորտ։