Լեռնային Ղարաբաղում արդեն հայ չի մնացել՝ հազար կամ հազար հինգ հարյուր մարդ։ Այս մասին Վալդայի ակումբում հայտարարել է ՌԴ նախագահ Վլադիմիր Պուտինը։ «Բոլորը գնացել են, հայ չի մնացել՝ մաքսիմում հազար կամ հազար հինգ հարյուր մարդ», – ասել է նա։

Արցախի նախկին նախագահ Արայիկ Հարությունյանին սպառնում է ցմահ ազատազրկում: Այս մասին ՌԻԱ «Նովոստի»-ին հայտնել են Ադրբեջանի պետական անվտանգության ծառայությունից: Հիշեցնենք, որ հոկտեմբերի 3-ին Արայիկ Հարությունյանը Ադրբեջանի պետական անվտանգության ծառայության կողմից բերման է ենթարկվել Ստեփանակերտում, նրան մեղադրանք է առաջադրվել Ադրբեջանի քրեական օրենսգրքի 100, 116, 117, 120, 214, 214-1, 214-3, 218, 279 և  այլ հոդվածներով։ Ըստ Ադրբեջանի գլխավոր […]

ԿԽՄԿ-ն տեսանյութ է հրապարակել Ստեփանակերտից` կից գրառմամբ․ «Տասնյակ հազարավոր մարդիկ են լքել քաղաքը, բայց առավելագույնս խոցելի են ծերերը, հիվանդները և հաշմանդամները, որոնք չեն կարող հեշտորեն դուրս գալ Արցախից։ Մեր թիմերը բարձրախոսերով գնում էին փողոցներով, որպեսզի գտնեն նրանց, ով օգնության կարիք ունի կամ ուզում է տարհանվել»։

«Գարդման-Շիրվան-Նախիջևան» համահայկական միությունը հայտարարությամբ իր խորը մտահոգությունն է հայտնում Արցախի բնիկ հայության բռնի տեղահանմանը զուգահեռ Ադրբեջանի կողմից հայերի նկատմամբ ատելության խոսքի, վախի և սպառնալիքի շարունակական աճի հետ կապված՝ Ադրբեջանից պահանջելով վերջ տալ հակահայկական, կրոնական և ռասայական խտրականության զազրելի քաղաքականությանը, ինչպես նաև միջազգային հանրությունից պահանջելով հավուր պատշաճի և ժամանակին ուշադրություն դարձնել արձանագրված խնդրին և ճնշում գործադրել […]

Լեռնային Ղարաբաղում՝ ռուսական խաղաղապահ զորախմբի պատասխանատվության գոտում հրադադարի ռեժիմի խախտումներ չեն արձանագրվել։ Այդ մասին հայտնում են ՌԴ ՊՆ-ից։ Հոկտեմբերի 4-ի դրությամբ՝ խաղաղապահներին է հանձնվել 84 միավոր զրահատեխնիկա, 121 միավոր ավտոմոբիլային տեխնիկա, 121 միավոր հակաօդային պաշտպանության տեխնիկա, 104 միավոր դաշտային հրետանային ատրճանակ, MLRS և ականանետեր, 1 միավոր ԱԹՍ, ավելի քան 7 հազար միավոր հրետանային և հակատանկային […]

Այս ժամի դրությամբ նոր ժամանածներ չունենք, ԼՂ-ից բռնի տեղահանված անձանց թիվը կազմում է 100 632: Ներկայացնելով ԼՂ-ից բռնի տեղահանվածներին ցուցաբերվող աջակցության աշխատանքների ընթացքը՝ ասաց ՀՀ վարչապետի խոսնակ Նազելի Բաղդասարյանը: «Աճ ունենք հաշվառվածների թվաքանակում: Այս պահի դրությամբ այն կազմում է 98 216, ինչը շուրջ 98 տոկոսն է»,- նշեց նա:

Շվեյցարիայի արտաքին գործերի դաշնային դեպարտամենտը 1,5 միլիոն ֆրանկ է հատկացրել այն մարդասիրական կազմակերպություններին, որոնք Հայաստանում օգնություն են ցուցաբերում Լեռնային Ղարաբաղի բնակիչներին և հենց բուն Ղարաբաղում ապրող անձանց։ Այդ մասին նշվում է Շվեյցարիայի արտաքին քաղաքական գերատեսչության տարածած հաղորդագրության մեջ։ «Շվեյցարիան ուժեղացնում է իր աջակցությունը Հայաստանում և տարածաշրջանում (ի նկատի ունեն Լեռնային Ղարաբաղը – խմբ.) քաղաքացիական բնակչությանը՝ […]