Փարիզի Օլիմպիական խաղերում Հայաստանի այսօր պայքարը 1/8-րդ եզրափակիչից սկսեց ազատ ոճի ըմբշամարտի հավաքականի ներկայացուցիչ Արսեն Հարությունյանը։ Հարությունյանը 57 կգ քաշայինների պայքորում 13-3 հաշվով հաղթեց Մեքսիկայի ներկայացուցիչ Ռոման Գիլերմո Բրավոյին։ Քառորդ եզրափակչում Արսեն Հարությունյանի մրցակիցը կլինի ուզբեկ Գուլոմջոն Աբդուլաևը։

Իսպանիայում ՀՀ-ը դեսպանատնից տեղեկացնում են, որ այսօր դեսպանությունում տեղի է ունեցել թենիսիստուհի Էլինա Ավանեսյանին ՀՀ քաղաքացու անձնագրի հանձնման արարողությունը։ Հիշեցնենք, որ հայ թենիսիստուհի Էլինա Ավանեսյանը Կանանց թենիսի ասոցիացիայի (WTA) թարմացված աղյուսակում արդեն ներկայացնում է Հայաստանը և զբաղեցնում է 58-րդ տեղը՝ վարկանիշային 1002 միավորով։ Նշենք, որ թենիսիստուհին արդեն երեք տարի ապրում է Բարսելոնայում։

Փարիզի Ստադ դե Ֆրանսում կայացել է Աթլետիկայի 800 մետր վազքի որակավորման փուլը: Աթլետիկայի մրցաշարում Հայաստանի միակ ներկայացուցիչ Երվանդ Մկրտչյանը գրանցել է 1 րոպե 49,91 վայրկյան ցուցանիշ և դուրս մնացել պայքարից: Այս արդյունքով Մկրտչյանը գրանցել է Հայաստանի ռեկորդ:

Փարիզի օլիմպիական խաղերի հունահռոմեական ոճի 67 կգ քաշայինների պայքարում Հայաստանի հավաքականի ներկայացուցիչ Սլավիկ Գալստյանը ծանր պայքարում դուրս եկավ կիսաեզրափակիչ փուլ։ Գալստյանը դժվարին գոտեմարտում պայքարից դուրս թողեց Ֆրանսիայի ներկայացուցիչ Մամադասա Սիլլային։ Հայ մարզիկի մրցակիցը հաջորդ փուլում շուտով հայտնի կդառնա։

Փարիզի օլիմպիական խաղերի հունահռոմեական ոճի 67 կգ քաշայինների պայքարում այսօր մեկնարկեց նաև Հայաստանի հավաքականի մյուս ներկայացուցիչ Սլավիկ Գալստյանը։ Գալստյանը մրցեց Էկվադորի ներկայացուցիչ Անդրես Ռոբերտո Մոնտանյո Արոյոյի հետ։ Հայ մարզիկը նախ առավելության հասավ 9-0 հաշվով, որը բողոքարկվեց էկվադորցիների կողմից և հանդիպումը վերսկսվեց Սլավիկի 1-0 առավելությամբ միայն։ Վերջնարդյունքում Գալստյանը հաղթեց 3-2 հաշվով և դուրս եկավ 1/4 եզրափակիչ փուլ։

«Լոս Անջելես Լեյքերսի» և ԱՄՆ-ի հավաքականի հարձակվող Լեբրոն Ջեյմսին մի քանի կար են դրել՝ ձախ աչքի շրջանում գոյացած վերքը փակելու համար: Այս մասին տեղեկացնում է Yahoo Sports պարբերականը։ Փարիզում կայացած բասկետբոլի օլիմպիական մրցաշարի քառորդ եզրափակիչի խաղում Լեբրոնը խաղային դրվագի ժամանակ դեմքի ձախ աչքի շրջանում հարված է ստացել Բրազիլիայի հավաքականի բասկետբոլիստից: Դրանից հետո Ջեյմսը ժամանակից շուտ […]

Հունահռոմեական ըմբշամարտիկ Օլիմպիական խաղերի, աշխարհի և եվրոպայի բազմակի չեմպիոն Արթուր Ալեքսանյանը 1/4 եզրափակիչում մրցեց ուզբեկ ըմբիշ Ռուստամ Ասակալովի հետ։ Ծանր պայքարում հայ ըմբիշը միայն վերջին վայրկյանների կարողացավ բեկել գոտեմարտի ընթացքը և հաղթանակ կորզել 9-5 հաշվով։ Նշենք, որ երկու չելենջներն էլ հաղթեց ուզբեկ ըմբիշը, որոնք նրան առավելություններ տվեցին։ Հատկանշական է, որ ուզբեկ ըմբիշը 40 տարեկան է […]