Թուրքիայի պաշտպանության նախարար Յաշար Գյուլերը պաշտպանության նախարարության 2025 թ. բյուջեի քննարկման ժամանակ անդրադարձել է Հարավային Կովկասին: «‎Կցանկանայի վերստին ընդգծել, որ Ադրբեջանի և Հայաստանի միջև ստորագրվելիք համապարփակ խաղաղության պայմանագրով Կովկասում տարածաշրջանային խաղաղություն և կայունություն ձեռք կբերվի»,- նշել է թուրք պաշտոնյան:

ԱԺ ՔՊ խմբակցության պատգամավոր Հովիկ Աղազարյանը հայտարարել է, որ մանդատը վայր դնելու մասին որոշում կկայացնի մանկության ընկերոջ հետ հանդիպումից հետո․ «Երեկ՝ ժ․ 2.45, հեռախոսազանգ եմ ստացել Մոսկվայում ապրող իմ մանկական, ուսանողական ընկերոջ կողմից, որ ինքը շատ կնեղանա ինձնից, եթե արձագանքեմ վարչապետի խնդրանքին՝ առանց իրեն տեսնելու»,- ասել է նա՝ հավելելով, որ այդ հանդիպումից հետո որոշում կկայացնի։ […]

ԱԺ «Պատիվ ունեմ» խմբակցության ղեկավար Հայկ Մամիջանյանը ներկայացրել է Մոսկվայում անցկացվող «ԱՊՀ երկրների միջխորհրդարանական համագործակցության մեջ քաղաքական կուսակցությունների դաշինքների և բլոկերի փոխգործակցության դերը» խորագրով 5-րդ միջազգային համաժողովին իր ելույթը։ «Նախ և առաջ թույլ տվեք Հայաստանի Հանրապետական ​​կուսակցության և «Պատիվ ունեմ» խմբակցության անունից շնորհակալություն հայտնել այս հանդիպման կազմակերպիչներին նման նշանակալից թեմայի քննարկման հնարավորության համար։ Այսօր, խոսելով […]

Վրաստանի նախագահի ընտրությունները տեղի կունենան դեկտեմբերի 14-ին․ խորհրդարանը 80 կողմ ձայնով հաստատել է որոշումը։ Ընտրությունների երկրորդ փուլը (անհրաժեշտության դեպքում) տեղի կունենա նույն օրը: Առաջին անգամ Վրաստանի նախագահին կընտրի ոչ թե բնակչությունը, այլ ընտրական կոլեգիան։ Ընտրությունները տեղի կունենան խորհրդարանի շենքում։ Նշենք, որ նախագահի երդմնակալության արարողությունը տեղի կունենա դեկտեմբերի 29-ին:

Երևանի քաղաքապետ Տիգրան Ավինյանը հայտնել է. «Երևանն ու Լոս Անջելեսը ստորագրեցին փոխըմբռնման հուշագիր, որը նպատակ ունի բարելավել երևանցիների կյանքը՝ ներդնելով նոր տեխնոլոգիաներ և զարգացնելով մատուցվող ծառայությունները: Այս համագործակցությունը նպատակ ունի ստեղծել հարմարավետ ու ժամանակակից քաղաքային միջավայր, որտեղ յուրաքանչյուր երևանցի կունենա ավելի որակյալ և հասանելի ծառայություններ»։

Լեհաստանի նախագահ Անջեյ Դուդան Երևանում հայտարարել է, թե իրենք ամեն ջանք կգործադրեն, որպեսզի «Հայաստանին մոտեցնենք և ներգրավվենք Եվրապական ընտանիք»: Նրա խոսքով. «Եթե Հայաստանը հետաքրքրություն ցուցաբերի, ցանկացած խնդրանքի դեպքում պատրաստ ենք աջակցություն ցուցաբերել»:

Նարեկ Զեյնալյանն ԱԺ-ում լրագրողների հետ զրույցում անդրադարձել է մանդատը վայր դնելու որոշմանը։ «Ես ԱԺ նախագահին ներկայացրել եմ պատգամավորական գործառույթները դադարեցնելու մասին դիմում»,- ասել է նա։ Զեյնալյանը նշել է, թե վարչապետի կողմից իրեն հորդոր չի եղել, այլ եղել է խնդրանք։ «Հորդոր չի եղել, եղել է խնդրանք, իսկ խնդրանքը սահմանադրական կատեգորիա չի և խնդրանքի արդյունքում ես կայացրել […]